logoEN
Sto top
ޝަމްއާން ވަކިކުރިތާ އިރުކޮޅެއްގެ ތެރޭގައި ފުލުހުންގެ ޚާއްސަ ބަޔާނެއް: އިމިގްރޭޝަން އޮފިސަރުންތަކެއް ހައްޔަރަށް!

ޝަމްއާން ވަކިކުރިތާ އިރުކޮޅެއްގެ ތެރޭގައި ފުލުހުންގެ ޚާއްސަ ބަޔާނެއް: އިމިގްރޭޝަން އޮފިސަރުންތަކެއް ހައްޔަރަށް!

އަހުމަދު ޝުރާއު

logo

3/20/2025, 8:36:50 PM

# މޯލްޑިވްސް އިމިގްރޭޝަން

ފުލުހުން ބަލަމުންދާ މައްސަލައަކާއި ގުޅިގެން އިމިގްރޭޝަންގެ މުވައްޒަފުންތަކެއް ހައްޔަރުކޮށްފި އެވެ.

Wamco

މިކަން ހާމަކުރީ ދާދި ދެންމެ އަކު ފުލުހުން ނެރުނު ބަޔާނެއްގައި އެވެ. ފުލުހުން ބަޔާން ނެރެފައިވަނީ އިމިގްރޭޝަންގެ ކޮންޓްރޯލަރުގެ މަގާމުގައި ހުންނެވި މުހައްމަދު ޝަމްއާން ކުއްލި ގޮތަކަށް މިރޭ ވަކިކުރިތާ އިރުކޮޅެއްގެ ތެރޭގައި އެވެ.

މިގޮތުން ފުލުހުން ނެރުނު ބަޔާނުގައި ބުނެފައިވަނީ، އިމިގްރޭޝަންގެ ބައެއް މުވައްޒަފުން "މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން" ބިދޭސީ މަސައްކަތްތެރިންގެ އަތުން ނާޖާއިޒު މަންފާ ހޯދާ ކަމުގެ މައުލޫމާތު ލިބިފައިވާތީ ތަހުގީގު ފަށާފައިވާ ކަަމަށެވެ.

އަދި މި މައްސަލަ އާއި ގުޅިގެން މިދިޔަ ބުދަ ދުވަހުގެ ރޭ ހިންގި އޮޕަރޭޝަނެއްގައި ގެއެއް ބަލައި ފާސްކޮށް، ތިން މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށް ވެސް ބަޔާނުގައި ބުނެފައި ވެއެވެ.

ނަމަވެސް ފުލުހުން ތަހުގީގު ކުރަމުންދާ މައްސަލާގައި ކޮންޓްރޯލަރުކަމުން ވަކިކުރި ޝަމްއާންގެ އަތެއް ވާކަން އަދި މިހާތަނަށް ފުލުހުންވެސް ހާމަކޮށްފައެއް ނުވެއެވެ.

މި މައްސަލަ އާއި ގުޅޭ މާބޮޑު ތަފްސީލެއް އަދި މިހާތަނަށް ފުލުހުންނާއި ދާހިލީ ވުޒާރާއިންވެސް ހާމަކޮށްފައި ނުވެއެވެ.

Maldivian
ކޮމެންޓް
Maldivian
ފަހުގެ
STELCO Inside