logoEN
Sto top
އިމިގްރޭޝަންގެ ކޮންޓްރޯލަރުގެ މަގާމުން ކުއްލި ގޮތަކަށް ޝަމްއާން ވަކިކޮށްފި

އިމިގްރޭޝަންގެ ކޮންޓްރޯލަރުގެ މަގާމުން ކުއްލި ގޮތަކަށް ޝަމްއާން ވަކިކޮށްފި

އަހުމަދު ޝުރާއު

logo

3/20/2025, 8:34:42 PM

# މޯލްޑިވްސް އިމިގްރޭޝަން

--

އިމިގްރޭޝަންގެ ކޮންޓްރޯލަރުގެ މަގާމުން ކުއްލި ގޮތަކަށް މުހައްމަދު ޝަމްއާން ވަކިކޮށްފި އެވެ.

Wamco

ޝަމްއާން މަގާމުން ވަކިކުރިކަން ސަރުކާރުގެ އޮފިޝަލުންތަކެއް ވަނީ ރާއްޖޭގެ ބައެއް މީޑީއާތަކަށް ކަށަވަރުކޮށްދީފައި އެވެ. ނަމަވެސް ކުއްލި ގޮތަކަށް މިފަދަ ނިންމުމެއް ރައީސް ޑރ މުހައްމަދު މުއިއްޒު ނިންމެވި ސަބަބެއް އަދި މިހާތަނަށް އެއްވެސް ފަރާތަކުން ހާމަކޮށްފައި ނުވެއެވެ. އަދި މިކަމާއި ގުޅިގެން ޝަމްއާންގެ ބަހެއްވެސް އަދި މިހާތަނަށް ލިބިފައެއް ނުވެއެވެ.

ޝަމްއާން ކުއްލި ގޮތަކަށް ވަކިކުރި އިރު ފުލުހުން މިރޭ ވަނީ އިމިގްރޭޝަން އޮފިސަރުންތަކެއްގެ ކޮަރަޕްޝަންގެ މައްސަލައެއް ތަހުގީގު ކުރަން ފަށާފައި އެވެ. މިގޮތުން ފުލުހުން ނެރުނު ބަޔާނުގައި ބުނެފައިވަނީ، އިމިގްރޭޝަންގެ ބައެއް މުވައްޒަފުން "މަގާމުގެ ނުފޫޒު ނަހަމަ ގޮތުގައި ބޭނުންކޮށްގެން" ބިދޭސީ މަސައްކަތްތެރިންގެ އަތުން ނާޖާއިޒު މަންފާ ހޯދާ ކަމުގެ މައުލޫމާތު ލިބިފައިވާތީ ތަހުގީގު ފަށާފައިވާ ކަަމަށެވެ. އަދި މި މައްސަލަ އާއި ގުޅިގެން މިދިޔަ ބުދަ ދުވަހުގެ ރޭ ހިންގި އޮޕަރޭޝަނެއްގައި ގެއެއް ބަލައި ފާސްކޮށް، ތިން މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށް ވެސް ބަޔާނުގައި ބުނެފައި ވެއެވެ.

ޝަމްއާން ފާހަގަކުރެވިގެން ގޮސްފައިވަނީ ރައީސް ޑރ މުހައްމަދު މުއިއްޒުގެ ވެރިކަމުގައި އެންމެ ހިންގުންތެރި އެއް ފަރާތަށެވެ. އެގޮތުން ރާއްޖޭގެ ބިދޭސީންގެ މައްސަލަ ހައްލުކުރުމަށް އިމިގްރޭޝަނުގެ ތާރީހުގައިވެސް އެންމެ ގިނަ އޮޕަރޭޝަންތައް ހިންގާފައިވަނީ ޝަމްއާންގެ ލީޑަރޝިޕްގައި އެވެ.

ޝާމްއާން އިމިގްރޭޝަންގެ ކޮންޓްރޯލަރު ކަމާއި ހަވާލުވީ 19 ނޮވެމްބަރު 2023 ގައި އެވެ. އެއީ ރައީސް ޑރ މުހައްމަދު މުއިއްޒުގެ ވެރިކަމުގެ 3 ވަނަ ދުވަހެވެ.

މޯލްޑިވްސް އިމިގްރޭޝަންގައި، 2008 ވަނަ އަހަރުން ފެށިގެން އިމިގްރޭޝަން އޮފިސަރެއްގެ ވަޒީފާ އަދާކުރަމުން އަންނަނިކޮށް 2011 ވަނަ އަހަރު ކޮވިޑުގެ ތެރޭގައި ދަރުބާރުގޭގައި އެކުލަވާލި އެޗްއީއޯސީ ސެންޓަރުގައި މަސައްކަތް ކުރަން ނުކުތުމަށް އަންގައި، އެތަނަށް ނުނިކުތް ކަމަށް ބުނެ ވަޒީފާއިން އޭނާ ވަކިކޮށްފައިވާ ކަމަށްބުނެ ވަޒީފާއާއި ބެހޭ ޓްރައިބިއުނަލްގައި ޝަމްއާންގެ މައްސަލަ އެއް ވަނީ ކުރިޔަށް ގޮސްފައި އެވެ. 13 އަހަރު ދުވަސްވަންދެން އިމިގްރޭޝަނުގައި މަސައްކަތް ކުރި ޝަމްއާން ޓްރައިބިއުނަލްއަށް ހުށަހެޅި މައްސަލަ ނިމިގެން ދިޔައީ އޭނާއާއި އެއްކޮޅަށެވެ. އެގޮތުން އޭނާގެ ވަޒީފާ އަނބުރާ ދިނުމަށް، ވަޒީފާއާ ބެހޭ ޓްރައިބިއުނަލުން ވަނީ އޭރު ހުކުމްކޮށްފައި އެވެެ.

Maldivian
ކޮމެންޓް
Maldivian
ފަހުގެ
STELCO Inside