
އިމިގްރޭޝަން އިން ރަމަޟާން މަހު ފަހު 10 އެއްގައި ޚިދުމަތްދޭ ގަޑިތައް އާންމުކޮށްފި
# މޯލްޑިވްސް އިމިގްރޭޝަން--
މޯލްޑިވްސް އިމިގްރޭޝަން އިން ރަމަޟާން މަހު ފަހު 10 އެއްގައި ޚިދުމަތްދޭ ގަޑިތައް އާންމުކޮށްފިއެވެ.

އިމިގްރޭޝަނުން އާންމުކޮށްފައިވާ މައުލޫމާތުގައި ވާގޮތުން ދިވެހި ޕާސްޕޯޓުގެ ޚިދުމަތާއި، ވިސާގެ ޚިދުމަތާއި، އެންފޯސްމަންޓް އެންޑް ކޮމްޕްލަޔަންސް ޑިވިޜަންގެ ޚިދުމަތާއި ސީޕޯޓުގެ ޚިދުމަތް ވެސް ދޭ ގަޑިތައް ވަނީ ހިމަނާފައެވެ.
ޕާސްޕޯޓަށް އެދި ހުށަހެޅުން އިމުގާ ޕޯޓަލް މެދުވެރިކޮށް، 24 ގަޑިއިރު ލިބިގެންދާއެވެ. އިމިގްރޭޝަނަށް ހާޒިރުވެ ޕާސްޕޯޓަށް އެދި އޮންލައިންކޮށް ހުށަހެޅުން މާލޭ އޮފީހުން ކޮންމެ ދުވަހެއްގެ 09:15 އިން 13:00އަށް ކުރިއަށްދާނެއެވެ. ނަމަވެސް މި ޚިދުމަތް ލިބިދެނީ ހަމައެކަނި 65 އަހަރުން މަތީގެ ފަރާތްތަކަށާއި އެހެނިހެން ޚާއްސަ ހާލަތްތަކުގައެވެ.
އަތޮޅުތެރޭގެ އޮފީސްތަކުން ޕާސްޕޯޓާއި ހަވާލުވުމަށް ނަންބަރު ދޫކުރުން 10:00 އިން 12:00 އަށް ކުރިއަށްދާނެއެވެ.
ފަހު 10 އެއްގައި ރަށްރަށުން ޚިދުމަތްދިނުމަށް ހަމަޖެހިފައިވާ ދުވަސްތައް:
- ހއ. ދިއްދޫ - 24، 27 މާރިޗު
- އައްޑޫ ސިޓީ - 23، 25، 27، 30 މާރިޗު
- ލ. ފޮނަދޫ - 25، 27 މާރިޗު
- ކުޅުދުއްފުށި ސިޓީ - 23، 25، 27، 30 މާރިޗު
- ހއ. އިހަވަންދޫ - 27 މާރިޗު
- ތިނަދޫ ސިޓީ - 25، 27، 30 މާރިޗު
- ފުވައްމުލަކު ސިޓީ - 24، 25 މާރިޗު
- ށ. ފުނަދޫ - 25 މާރިޗު
- ރ. އުނގޫފާރު - 27 މާރިޗު
- ދ. ކުޑަހުވަދޫ - 24 މާރިޗު
ވިސާގެ ޚިދުމަތަށް އެދި ހުށަހެޅުން އިމުގާ ޕޯޓަލް އަދި އެކްސްޕެޓް ސިސްޓަމް މެދުވެރިކޮށް 9:00 އިން 17:00 އަށް ކުރިއަށްދާނެއެވެ.
ކޮންމެ ދުވަހަކު 9:05 އިން 10:00 އަށް ވޯކް ވިސާއަށް އެދި ޕާސްޕޯޓް ހުށަހެޅޭނެއެވެ. އަދި މިކަމަށް އެދި ހުށަހަޅާފައިވާ ޕާސްޕޯޓް ދޫކުރުން 11:00 އިން 12:30 އަށް ކުރިއަށްދާނެއެވެ.
ވޯކް ވިސާ ފިޔަވައި އެހެނިހެން ވިސާއަށް އެދި ޕާސްޕޯޓު ބަލައިގަތުމާއި، ވިސާ ޖަހައިދިނުމަށް އޮންލައިންކޮށް އެޕްލިކޭޝަން ހުށަހެޅުން، އިމުގާ އަދި އެކްސްޕެޓް ސިސްޓަމް މެދުވެރިކޮށް 9:00 އިން 17:00އަށް ކުރިއަށްދާނެއެވެ. ވިސާއަށް އެދި ޕާސްޕޯޓް ބަލައިގަނެ ވިސާ ޖަހައިދިނުން ކުރިއަށްދާނީ 9:05 އިން 12:00 އަށެވެ. މި ޚިދުމަތް ކުރިއަށްގެންދާނީ އެޕޮއިންމެންޓް އުސޫލުން ކަމަށް އިމިގްރޭޝަނުން ވިދާޅުވެއެވެ.
މީގެ އިތުރުން ހުކުރު ދުވަސް ފިޔަވައި އެހެނިހެން ދުވަސްތަކުގެ 9:00 އިން 13:00އަށް އެންފޯސްމަންޓް އެންޑް ކޮމްޕްލަޔަންސް ޑިވިޜަންގެ ޚިދުމަތް އާންމު ރައްޔިތުންނަށް ލިބޭގޮތަށް ވަނީ ހަމަޖައްސާފައެވެ.
ސީޕޯޓުގެ ޚިދުމަތް ދިނުމަށް ހަމަޖެހިފައިވަނީ:
ހުކުރު ދުވަސް ފިޔަވައި އެހެނިހެން ދުވަސްތައް - 8:00 އިން 17:00 އަދި 21:00 އިން 00:00އަށް
ހުކުރު ދުވަސް: 14:30 އިން 17:00 އަށް އަދި 21:30 އިން 00:00އަށް
ގުޅުންހުރި

އުންމީދަކީ އިމިގްރޭޝަނަކީ ރައްޔިތުން ފުރިހަމައަށް ބަލައިގަންނަ އިތުބާރުހިފޭ ޚިދުމަތްތަކަކަށް އަބަދުވެސްވުން - އަޝްފާން

އުންމީދަކީ ސަލާމަތާއި ރައްކާތެރިކަން ދެމެހެއްޓުމަށް އިމިގްރޭޝަނުން ކުރަމުންދާ މަސައްކަތުގައި އިތުރު ކުރިއެރުންތައް ލިބިގެންދިޔުން - ފަސީހު

އިމިގްރޭޝަން ކޮރަޕްޝަން: ޝަމްއާން ހިމެނޭހެން ހައްޔަރުކުރި އެންމެންގެ ވަނަވަރު އާންމުކޮށްފި
