
--
ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

އެގޮތުން މި ސެގްމެންޓު 2023 ވަނަ އަހަރުން ފެށިގެން ކޮންމެ އަހަރެއްގެ ރަމަޟާން މަހުވެސް ގާފު ނޫހުން ގެނެސްދެއެވެ.
1446 ވަނަ އަހަރުގެ ރަމަޟާން މަހުގެ ކޮންމެ ދުވަހެއްގައިވެސް ތަފާތު ރެސިޕީއިން ކިޔުންތެރިންނާއި ހަމައަށް ގެނެސްދެވޭނެ އެވެ. އެގޮތުން މިއަހަރުގެ ރަމަޟާން މަހުގެ 19 ވަނަ ރެސިޕީއެއްގެ ގޮތުގައި މި ގެނެސްމިދެނީ ބްލޫބެރީ ސްމޫތީ އެވެ.
ބޭނުންވާ ތަކެތި:
- 1 ޖޯޑު ބްލޫބެރީ
- ½ ޖޯޑު ވެނީލާ ޔޯގަޓް
- 1 ސަމުސާ ލުނބޯ ހުތް
- 2 ސަމުސާ އޮރެންޖް ޖޫސް
- ½ ސަމުސާ ވެނީލާ އެސެންސް
- ½ ޖޯޑު އައިސް
ތައްޔާރުކުރާނެ ގޮތް:
ބޮލޫބެރީ، ޔޯގަޓް، ވެނީލާ އެސެންސް އަދި އައިސް މިކްސަރަށް އަޅާ ރަނގަޅަށް މިކްސް ވަންދެން ގިރާލާށެވެ.
އެއަށްފަހު ލުނބޯ ހުތް އަދި އޮރެންޖް ޖޫސްކޮޅު އެއްކޮށްލުމަށްފަހު ކުޑަކޮށް ގިރާލާށެވެ.
މިހާރު މިހުރީ މި ރެސިޕީ ތައްޔާރުކޮށްލެވިފައި އެވެ. މިއީ ބިޒީކޮށް އުޅޭ ފަރާތްތަކަސް ފަސޭހައިން ތައްޔާރުކޮށްލެވިދާނެ ބުއިމެކެވެ. އަދި ސްމޫތީ ކަމުދާ ފަރާތްތަކަށް ވެސް ތަފާތު ރަހައަކަށް ވެގެންދާނެ ރެސިޕީ އެކެވެ.