ކަށަވަރު ޕްރޮމޯ 2024 ގެ ނަސީބުވެރި ފަރާތް ހޮވައިފި

2024 ވަނަ އަހަރުގެ ނޮވެމްބަރު 1 ވަނަ ދުވަހުން ފެށިގެން ޑިސެމްބަރު 31 ވަނަ ދުވަހުގެ ނިޔަލަށް ކުރިއަށް ގެންދެވުނު "ކަށަވަރު ޕްރޮމޯ 2024" ގެ ނަސީބުވެރި ފަރާްތް ހޮވައިފި އެވެ.

އެމްޓީސީސީ ކަށަވަރު ޝޯރޫމްގައި އިއްޔެ ބޭއްވުނު ރަސްމިއްޔާތެއްގައި, އެ ޕްރޮމޯޝަންގެ ގުރުއަތުން ހޮވުނު ނަސީބުވެރި ފަރާތުގެ ނަން އިއުލާންކޮށްދެއްވީ އެކުންފުނީގެ މެނޭޖިންގ ޑިރެކްޓަރ، ޑ.ީސ.ީޕ.ީ (ރިޓަޔަޑް) އަލްފާޟިލް އަހުމަދު ސައުދީއެވެ. "ކަށަވަރު ޕްރޮމޯ 2024" ގެ ނަސީބުވެރި ފަރާތަކީ އެންޓްރެކް ހޯލްޑިންގ (-1188/2-15C ) އެވެ.

އަހަރަކު އެއްފަހަރު ބާއްވަމުން އަންނަ "ކަށަވަރު ޕްރޮމޯ" ގެ މަޤްސަދަކީ އޮޑިވެރިންނާއި, މަސްވެރިކަމާއި, ޓޫރިޒަމް އަދި ޓްރާންސްޕޯޓް ސިނާޢަތުގައި ހަރަކާތްތެރިވާ އެ ކުންފުނީގެ ކަސްޓަމަރުންނަށް ޑިސްކައުންޓަކާއިއެކު އެމްޓީސީސީ ކަށަވަރު ފިހާރައިން ވިއްކާ މުދާ ލިބޭނެ މަގު ފަހިކޮށްދިނުމެވެ. މި ޕްރޮމޯގެ ދަށުން ޑިސްކައުންޓް ދެވުނު ޕްރޮޑަކްޓް ތަކަކީ ސުޒުކީ އިންޖީނާއި, އިންޖީނުގެ ސްޕެއަރ ޕާރޓްސްއާއި, ކާސްޓްރޯލް އަޑީތެލާއި, ސްކޮޓްބޭޑަރ ފައިބަރު ސާމާނާއި, ޕީޕީޖީ މެރިން ކޯޓިންގް އާއި, މަރޯލް ހުންގާނު ސިސްޓަމާއި, އިންޑަސްޓްރިއަލް ގޭހާއި, އޮޑިދޯނިފަހަރަށް ބޭނުންވާ އެހެނިހެން ސާމާނެވެ.

"ކަށަވަރު ޕްރޮމޯ 2024" ކުރިއަށް ދިޔަ މުއްދަތުގެ ތެރޭ ގްރޭޓަރ މާލެ ސަރަޙައްދާއި ރާއްޖޭގެ އެކި އެކި ރަށްރަށަށް އެމްޓީސީސީގެ ޓީމުންވަނީ ޒިޔާރަތްކޮށްފައެވެ.

އެމްޓީސީސީގެ އަމާޒަކީ އަބަދުވެސް ކަސްޓަމަރުންނަށް ލުއިފަސޭހަ ގޮތްތަކެއް ހޯދައިދިނުމެވެ. ކޮންމެ އަހަރަކު އެކިއެކި ޕްރޮޑަކްޓްތަކުން ޕްރޮމޯޝަންތައް ބޭއްވުމާއި, ރާއްޖޭގެ އެކި ކަންކޮޅުތަކުގައި ތިބި އެމްޓީސީސީގެ ކަސްޓަމަރުންނަށް މަޢުލޫމާތު ފޯރުކޮށްދިނުމާއި, އިންޖީނުތައް ރަނގަޅަށް ބެލެހެއްޓުމާއި, ޓެކްނިކަލް ކަންކަމަށް އަހުލުވެރިކުރުމުގެ ހަރަކާތްތައް ހިންގުމަކީ މި ކުންފުނިން އަބަދުވެސް ކަސްޓަމަރުންނަށް އިސްކަންދީގެން ހިންގަމުން އަންނަ ހަރަކާތްތަކެކެވެ.