--
ސަރުކާރުގެ މަސް ކުންފުނި، މިފްކޯގެ ތެރޭގައި ޒަމާނުއްސުރެން ފެށިގެން ހިންގަމުންދާ ކޮރަޕްޝަންގެ އަމަލުތައް މި ސަރުކާރުން މުލުން ލުހެލާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
ހުވަދުއަތޮޅަށް، ރައީސް މުއިއްޒު ކުރެއްވި ދަތުރުފުޅު ނިންމަވާލައްވާ މީޑިއާތަކަށް ދެއްވި ބަސްތީގަތުމެއްގައި އެމަނިކުފާނު ވިދާޅުވީ ސަރުކާރުން މިފްކޯއަށް ގިނަ ބަދަލުތަކެއް ގެންނަމުންދާކަމަށާއި އެގޮތުން މިފްކޯގައި ތެރޭގައި ހުރި ޒަމާންވީ މައްސަލަތައް ހައްލުކޮށް، މަސްވެރިން ބޭނުންވާގޮތަށް މިފްކޯގެ ހިންގުން ހަރުދަނާ ކުރުމުގެ މަސައްކަތްކުރަމުންދާ ކަމަށެވެ. އެގޮތުން ރައީސް ވިދާޅުވީ އެކުންފުނީގެ ތެރޭގައި ހިނގަމުންދާ ޒަމާންވީ ކަންކަން ސިފަކުރައްވާނީ ކޮރަޕްޝަންގެ އަމަލުތަކެއްގެ ގޮތުގައި ކަމަށާއި އެ ހުރިހާ ކަމެއް އެތަނުން މުލުން ލުހެލާނެ ކަމަށެވެ.ރައީސް ވިދާޅުވީ މިފްކޯގެ ހިންގުން ހަރުދަނާ ކުރުމަށް، ކުންފުނީގެ ސީ.އީ.އޯގެ މަޤާމަށް ބޭރުގެ ފަރާތެއް ގެނެސް މަސައްކަތް ފަށާފައިވާއިރު، މިހާރު ކުރެވޭ މަސައްކަތުން މިފްކޯތެރެއިން ކުރެވޭ ބޭކާރު ޚަރަދުތައް ކުޑަކުރެވޭނެ ކަމަށެވެ.
އެމަނިކުފާނު ވިދާޅުވީ ސަރުކާރުން މަސައްކަތް ކުރަނީ މަސްވެރިން ބޭނުންވާ ގޮތަށް މިފްކޯ ހަރުދަނާ ކުރުމަށް ކަމަށާއި އެ މަސައްކަތްކުރުމަށް މިހާރު ކޯލްޑް ސްޓޯރޭޖް އިތުރުކުރުން ފަދަ ކަންކަން ދަނީ ކުރަމުން ކަމަށެވެ, އަދި މި ސަރުކާރުން މަސްވެރިން ބޭނުންވާ ކަންކަން އެންމެ ފުރިހަމައަށް ކޮށްދެއްވާނެ ކަމަށް ރައީސް ވިދާޅުވިއެވެ.
ރައީސް ހުވަދު އަތޮޅަށް ކުރެއްވި ދަތުރުފުޅު ނިންމަވާލައްވަމުން ގއ ކޫއްޑޫއަށް ވަޑައިގެން އެރަށުގައި ހިންގާ މިފްކޯގެ ކޫއްޑޫ ފިޝަރީޒް ކޮމްޕްލެކްސްއަށް ވަނި ޒިޔާރާތްކުރައްވާފައި އެވެ. އަދި އެވަގުތު ކޫއްޑޫއަށް މަސްކިރަން ގޮސްތިބި ބައެއް ދޯނިތަކަށް ރައީސް ވަނީ އަރާވަޑައިގެން ބައެއް މަސްވެރިންނާއި ބައްދަލުކުރައްވާފައި އެވެ.
ފަހުގެ
