ލޭ ހޯދުމުގެ ދަތިތަކަށް ޒަމާނީ ހައްލެއް ހޯދުމަށް ލޭ އެޕާއި އެހީ ޖަމިއްޔާ ގުޅިގެން މަސައްކަތް ފަށައިފި

އިމަޖެންސީ ހާލަތްތަކުގައި އަދި ގަވާއިދުން ލޭ އަޅަންޖެހޭ ފަރާތްތަކަށް ބޭނުންވާ ލޭ ރައްކާތެރި އަދި ދެމެހެއްޓިނިވި ނިޒާމެއްގެ ދަށުން ލިބޭނެ މަގުފަހިކޮށްދިނުމަށާއި، ލޭ ހަދިޔާ ކުރުމާއި ގުޅޭގޮތުން ޢާންމުން ހޭލުންތެރިކޮށް ލޭ ހަދިޔާ ކުރާ މީހުންގެ އަދަދު އިތުރުކުރުމަށް މަސައްކަތްކުރުމަށް ލޭ އެޕު އަދި އެހީ ޖަމިއްޔާއިން ޚާއްސަ ފަހުމުނާމާއެއްގައި ސޮއިކޮށްފިއެވެ.

ލޭ އެޕަކީ ދިވެހި ޒުވާނުންތަކެއް އިސްނަގާގެން ލޭ ހޯދުމުގައި މިހާރު ދިމާވާ ދަތިތަކަށް ޓެކްނޮލޮޖީގެ އެހީގައި ޒަމާނީ ހައްލެއް ހޯދައިދީ، ލޭ ހޯދަން އެދޭ ފަރާތްތައް، ލޭ ހަދިޔާކުރާ ފަރާތްތައް، އަދި ޤަވާއިދުން ލޭ އަޅަންޖެހޭ ފަރާތްތަކަށް އެއް ޕްލެޓްފޯމެއް މެދުވެރިކޮށް ފަސޭހަކަމާއެކު ޚިދުމަތް ފޯރުކޮށްދިނުމަށް ތައްޔާރުކޮށްދީފައިވާ އެޕްލިކޭޝަނެކެވެ. ދިވެހިރާއްޖޭގެ ޞިއްޙީ ވުޒާރާ އަދި މޯލްޑިވިއަން ބްލަޑް ސަރވިސަސް (ތެލަސީމިއާ ސެންޓަރ) އިން ރަސްމީކޮށް ވަނީ 11 ޖުލައި 2024 ވަނަ ތާރީޚުގައި ޚިދުމަތް ފޯރުކޮށްދިނުމުގެ އެއްބަސްވުމެއްގައި ލޭ އެޕާއިއެކު ސޮއިކޮށްފައެވެ.

ލޭ އެޕާއި އެހީ ޖަމިއްޔާއިން ސޮއިކުރި ފަހުމުނާމާގެ ދަށުން އެހީ ޖަމިއްޔާގެ ފަރާތުން ކުރަމުންދާ އެކިއެކި މަސައްކަތްތަކުން ލިބިފައިވާ ތަޖުރިބާގެ އަލީގައި، ހޭލުންތެރިކަމުގެ ޕްރޮގްރާމުތައް ހިންގުމާއި އަދި ކެމްޕޭނުތައް އެންމެ އެދެވިގެންވާ ގޮތެއްގައި ހިންގުމަށް ލޭ އެޕަށް ދެވޭނެ އެހީތެރިކަން ފޯރުކޮށްދޭނެ އެވެ. މީގެ އިތުރުން ލޭ އެޕުގައި ޑޯނަރުން ރަޖިސްޓަރކޮށް އަދި އާންމުންގެ އެއްބާރުލުން މި ޕްރޮޖެކްޓަށް ހޯދައިދިނުމަށް އެހީ ޖަމިއްޔާގެ ފަރާތުން މަސައްކަތްކޮށްދިނުމުގެ އިތުރުން އެހީ ޖަމިއްޔާގެ ފަރާތުން ލޭ އެޕު ދެމެހެއްޓެނިވިގޮތެއްގައި ހިންގުމަށް ބޭނުންވާ އެހީތެރިކަން ފޯރުކޮށްދޭންވެސް ވަނީ ނިންމާފައި އެވެ.

ހަމައެއާއިއެކު އެހީ ޖަމިއްޔާ އާއި ލޭ އެޕު ގުޅިގެން ލޭ ހަދިޔާކުރުމަށް ބާއްވާ ކޭމްޕުތަކާއި އަދި އާންމުން ހޭލުންތެރިކުރުމަށް އިވެންޓުތައް ބޭއްވުމަށް އަދި ކޮންޓެންޓު ތައްޔާރުކުރުމަށް މަސައްކަތްކުރުމާއި އެހީ ޖަމިއްޔާ އަދި ލޭ އެޕު ގުޅިގެން ލޭ ހަދިޔާކުރުން އަދި ލޭ ހަދިޔާކުރާ ފަރާތްތައް އިތުރުކުރުމާގުޅޭ ގޮތުން މިހާރު ހުރި ގޮންޖެހުންތަކާއި އަދި ސިއްޙީ ނިޒާމުގެ ތެރޭގައި ދިމާވާ ދަތިތަކަށް ހައްލެއް ހޯދުމަށް އެކުގައި އަޑުއުފުލާ މަސައްކަތްކުރުމަށްވެސް ވަނީ އެއްބަސްވެފައި އެވެ.

ލޭ އެޕު ލޯންޗުކޮށްދީފައިވަނީ 11 ޖުލައި 2024 ވަނަ ތާރީޚުގައި ޞިއްޙީ ވުޒާރާގައި ބޭއްވި ރަސްމިއްޔާތެއްގައި އޭރުގެ ޞިއްޙީ ވަޒީރު ޑރ. ޢަބްދުﷲ ހަލީލު އެވެ.

ލޭ އެޕު ޑައުންލޯޑުކުރާނެ ލިންކުތައް:- ގޫގުލް ޕްލޭސްޓޯރ: https://play.google.com/store/apps/details?id=com.hrdnc.ley&hl=en

އެޕަލް އެޕްސްޓޯރ:https://apps.apple.com/mv/app/ley-app/id6474908620

2. ލޭ އެޕާއި އެހީ ޖަމިއްޔާ ގުޅިގެން މަސައްކަތްކުރުން:

·