ރޯދައިގެ ކުރިން ފްލެޓު ލިސްޓު އާންމުކުރާނެ, މަކަރާއި ހީލަތުން ފްލެޓު ހޯދަން އުޅުނު މީހުންގެ ނަން ނުހިމެނޭނެ!

ގެދޮރުވެރިޔާ ސްކީމުގެ ދަށުން ހުޅުމާލެ 2 ގައި އިމާރާތް ކުރަމުން އަންނަ ފްލެޓްތަކަށް އުސޫލުގެ ތެރެއިން ޝަރުތު ހަމަވާ މީހުންގެ ލިސްޓު ކުރިއަށް އޮތް ރޯދަމަހުގެ ކުރިން އާންމު ކުރާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ރައީސް މިކަން ހާމަކުރެއްވީ ހުވަދު އަތޮޅަށް ކުރެެއްވި 3 ދުވަހުގެ ދަތުރުފުޅު ނިންމަވާލެއްވުމުގެ ކުރިން ގއ ދެއްވަދޫގައި ހުންނަވައި ނޫސްވެރިންނަށް ދެއްވި ޚާއްސަ އިންޓަވިއުއެއްގައި އެވެ. އެގޮތުން މިދިޔަ އަހަރެއްހާ ދުވަހުގެ ތެރޭގައި ވެސް މަސައްކަތްޕުޅު ކުރައްވާފައި ވަނީ ވައުދުވެވަޑައިގަތް ގޮތަށް ފްލެޓާއި ގޯތި ދޫކުރުމަށް ކަމަށް ފާހަގަކުރައްވައި ރައީސް ވިދާޅުވީ އެއީ އެއްވެސް ރައްޔިތަކަށް ދިން ގޯއްޗާއި ފްލެޓް އަތުނުލައި ހައްގުވެރިންނަށް ފްލެޓް ދިނުމަށް އެ މަނިކުފާނު ރިޔާސީ އިންތިހާބުގެ ކެމްޕެއިންގައި ވެވަޑައިގެންނެވި ވައުދު ކަމަށެވެ.

ރައީސް ވިދާޅުވީ އެމަނިކުފާނު އުންމީދުކުރައްވަނީ ދާދި އަވަހަށް 4000 ފްލެޓު ލިބޭ ފަރާތްތަކުގެ ލިސްޓު އިއުލާނުކުރެވިގެންދާނެ ކަމަށް ކަމަށާއި އެގޮތުން ކުރިޔަށް އޮތް ރޯދައިގެ ކުރިން ލިސްޓު އިއުލާނުކުރުމަށް މަސައްކަތްކުރަމުންދާ ކަމަށެވެ. ނަމަވެސް ނެރޭ ލިސްޓުގައި މަކަރާއި ހީލަތުން ފްލެޓް ހޯދުމަށް މަސައްކަތް ކުރި މީހުން ނުހިމެނޭނެ ކަމަށާއި، ލިޔެކިޔުން ބަދަލުކޮށްގެން ނުވަތަ ދޮގު މައުލޫމާތު ދީގެން ފްލެޓާއި ގޯތި ހޯދަން މަސައްކަތް ކުރި މީހުން ކެންސަލް ވާނެ ކަމަށް ރައީސް ވިދާޅުވިއެވެ.

"އަލަށް އަޅުގަނޑު ގެނައި ބަދަލުގެތެރެއިން ހައުސިންގ މިނިސްޓްރީގެ މަސައްކަތް މިވަނީ މިނިސްޓަރ މުއްޠަލިބްގެ މެންޑޭޓްގެ ތެރެއަށް ލެވިފައި. މިދިޔަ އަހަރެއްހާ ދުވަހުގެ ތެރޭގައި އެދިޔަ މަސައްކަތްތައްވެސް ރިވިއުކޮށް ވީހާވެސް އަވަހަކަށް އަޅުގަނޑު ވަޢުދުވެފައި އޮތްގޮތަށް އެކަންކުރުމުގެ މަސައްކަތް މިހާރު އޮތީ ފަށާފައި." ރައީސް ވިދާޅުވިއެވެ.

އިތުރު ތަފްސީލް އަންނަނީ ..