ކަނޑުހުޅުދޫގައި ވެސް ބީއެމްއެލްގެ އޭޓީއެމްއެއް ބަހައްޓަނީ

ގއ ކަނޑުހުޅުދޫގައި އޭޓީއެމްގެ ހިދުމަތް ފެށުމަށްޓަކައި ބީއެމްއެލްއާއި އެކު ސޮއިކޮށްފި އެވެ.

މިކަމާއި ގުޅޭ ޚާއްސަ އެއްބަސްވުމުގައި ސޮއިކުރުން އޮތީ މިހާރު ރައީސް ޑރ މުހައްމަދު މުއިއްޒު ހުވަދު އަތޮޅަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން މިއަދު ކަނޑުހުޅުދޫއަށް ވަޑައިގެން އެރަށު ރައްޔިތުންނާއި ބައްދަލުކުރެއްވުމަށް ބޭއްވި ޖަލްސާގައި އެވެ.

އެގޮތުން އެޖަލްސާގައި ބީއެމްއެލްއާއި އެރަށު ކައުންސިލާއި ދެމެދު ސޮއިކޮށްފައިވަނީ ކައުންސިލް މެދުވެރިކޮަށް އެރަށުގައި ބީއެމްއެލްގެ އޭޓީއެމްއެއް ބެހެއްޓުމުގެ އެއްބަސްވުމުގައި އެވެ.

މި އެއްބަސްވުމުގައި ކަނޑުހުޅުދޫ ކައުންސިލްގެ ފަރާތުން ސޮއިކުރެއްވީ ކައުންސިލްގެ ރައީސް ތޯރިގު އަފީފް އެވެ. އަދި ބީއެމްއެލްގެ ފަރާތުން ސޮއިކުރެއްވީ ބީއެމްއެލްގެ ސީއީއޯ މުހައްމަދު ޝަރީފް އެވެ. މި އެއްބަސްވުމުގެ ދަށުން ބީއެމްއެލްގެ އޭޓީއެއް ރަށުގައި ގާއިމް ކުރުމުގެ މަސައްކަތް ކުރާނީ ކައުންސިލްގެ ފަރާތުންނެވެ.

ނަޑެއްލާއަކީ މިފަހަކަށް އައިސް އިގްތިސޯދީ ގިނަ ހަރަކާތްތަކެއް ކުރިޔަށްދާ ރަށެކެވެ. އެރަށުގައި މިހާރު އޭޓީއެމްގެ ހިދުމަތް ދެމުން ނުދާއިރު ފައިސާ ނެގުމަށް ގިނަ ބަޔަކު ކަނޑުހުރަސްކޮށް ދާންޖެހެނީ ވެރިކަން ކުރާ ތިނަދޫ ސިޓީއަށެވެ.