އަންނަ ހަފްތާގައި އާދައިގެ ކުންފުނިތަކަށް ދޭންޖެހޭ 500 މިލިއަން ރުފިޔާ ދޫކުރާނެ - ރައީސް

ސަރުކާރުގެ މިނިސްޓްރީތަކާއި ކުންފުނިތަކުން ކުދި އަދި މެދު ފަންތީގެ ވިޔަފާރިތައް ލައްވައި ކުރުވާފައި ހުރި މަސައްކަތްތަކަށް ދޭން ޖެހޭ ފައިސާތައް ދިނުމަށްކުރަމުން އަންނަ މަސައްކަތުގެ ތެރެއިން އަންނަ ހަފްތާގައި 500 މިލިއަން ރުފިޔާ އެކުންފުނިތަކަށް ދޫކުރާނެ ކަމަށް ރައީސް ޑރ މުހައްމަދު މުއިއްޒު ހާމަކުރައްވައިފި އެވެ.

ރައީސް މިފަދައިން ހާމަކުރެއްވީ މިހާރު ހުވަދު އަތޮޅަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން މިއަދު ގދ ހޯނޑެއްދޫއަށް ވަޑައިގެން އެރަށު ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައި އެވެ.

އެގޮތުން ރައީސް ވިދާޅުވީ މަޖިލީހުގެ ކުރީ ދައުރުން ވަޑައިގެންނެވީ މިސަރުކާރުން ކުރަން ބޭނުންވި ކަންކަމަށް ހުރަސް އެޅުއްވުމަށްފަހުގައި ކަމަށާއި ނަމަވެސް ފާއިތުވި ދުވަސްތަކުގައި ސަރުކާރުން ރައްޔިތުން ބޭނުންވާ ކަންކަން ފުރިހަމަ ކުރަމުން ގެންދިޔައީ އިގްތިސާދީ އަނދަވަޅުގެ ތެރެއިންވެސް ގައުމު ބަނގުރޫޓޫވިޔަ ނުދީ އިގްތިދޯސު ކޮޅަށް ޖަހަމުން އައީ އެއްވެސް ފައިސާއެއް ޗާޕުނުކޮށް އެތެރޭގެ ދަރަނި ތަކާއި ބޭރުގެ ދަރަނިތައް ދައްކަމުން ކަމަށެވެ.

އެގޮތުން މި ހިނގާ ހަފްތާގެ ތެރޭގައި ފިނޭންސް މިނިސްޓްރީން ސަރުކާރުން ކޮށްފައިހުރި މަސައްކަތްތަކަށް 500 މިލިއަނަށްވުރެ ގިނަ ރުފިޔާ ދިވެހި އެކި ކުންފުނިތަކަށް ދޫކުރާނެކަން ރައީސް އިއުލާނުކުރެއްވި އެވެ. އެގޮތުން ސަރުކާރު ހިއްސާވާ ކުންފުނިތަކުން ކުދި އަދި މެދުފަންތީގެ ވިޔަފާރިވެރިން ލައްވައި ކުރުވާފައި ހުރި މަސައްކްތަކުގެ ނުދީ ގިނަ އަދަދެއްގެ ފައިސާ އަދިވެސް އެބަހުރިކަން ފާހަގަކުރައްވައި ރައީސް ވިދާޅުވީ އެއީ އެސްއޯއީތައް މިސްމެނޭޖްކުރުމުގެ ނަތީޖާ ކަމަށެވެ.

ރައީސް ވިދާޅުވީ ސަރުކާރުގެ މައި ފޯކަސްއަކީ ރޯދައިގެް ކުރިން އެތެރޭގެ މިފަދަ ދަރިތަކުގެ ބޮޑުބައެއް ދައްކާ ހަލާސްކުރުން ކަމަށެވެ.

އާދައިގެ ވިޔަފާރިތަކަށް އެންމެ ބޮޑު އަދަދަކުން ފައިސާ ދައްކަން ޖެހިފައިވަނީ ފެނަކަ ކޯޕަރޭޝަނުންކަން މީގެ ކުރިން ސަރުކާރުން ވަނީ ހާމަކޮށްފައެވެ.