--
ދުނިޔޭގެ އެންމެ ދުވަސްވީ މީހާގެ ގޮތުގައި ގިނިސް ވޯލްޑް ރެކޯޑްސްގައި ބުނެފައިވާ ޖަޕާނުގެ އަންހެނެއް ކަމަށްވާ ޓޮމިކޯ އިޓޫކާ އުމުރުން 116 އަހަރުގައި މަރުވެއްޖެ އެވެ.
ޖަޕާނުގެ އުމުރުން ދުވަސްވީ މީހުންގެ ސިޔާސަތުތައް ހިންގުމާ ހަވާލުވެ ހުންނެވި އޮފިޝަލެއް ކަމަށްވާ ޔޮޝިޓްސުގު ނަގަޓާ ބުނީ އިޓޫކާ މަރުވީ ޑިސެމްބަރު މަހުގެ 29 ވަނަ ދުވަހު ޖަޕާނުގެ މެދުތެރޭގެ ހިޔޯގޯ ޕްރިފެކްޗާގެ އާޝިޔާގައި ހުންނަ ކެއާ ހޯމެއްގައި ކަމަށެވެ.
ރެކޯޑުތައް ދައްކާގޮތުގައި އިޓޫކާ އުފަންވީ 1908 ވަނަ އަހަރުގެ މެއި މަހުގެ 23 ވަނަ ދުވަހު އެވެ. އިޓޫކާއަށް ދުނިޔޭގެ އެންމެ ގިނަ ދުވަސްވީ މީހާގެ ލަގަބު ލިބުނީ އުމުރުން 117 އަހަރުގެ މާރިއާ ބްރޭންޔަސް މިދިޔަ އަހަރު މަރުވުމާއި ގުޅިގެންނެވެ.
އިޓޫކާ މިދިޔަ އަހަރު އޭނާގޭ 116 ވަނަ އުފަންދުވަސް ފާހަގަކުރި ފޮޓޯތަކަށް ގިނަ ބައެއްގެ ސަމާލުކަން ވަނީ ލިބިގެންގޮސްފައި އެވެ.
ޖަޕާނުގެ އޮސާކާއަށް އުފަން އިޓޫކާ އަކީ ހައި ސްކޫލްގައި ވޮލީ ކުޅުންތެރިއެއް ކަމަށާއި އޭނާއަކީ ހިތްވަރުގަދަ ރޫހެއްގެ މަޝްހޫރު ކުޅުންތެރިއެއް ކަމަށް ނަގަޓާ ބުންޏެވެ. އޭނާ ވަނީ 3،067 މީޓަރު (10،062 ފޫޓް) ގެ މައުންޓް އޮންޓޭކަށް ދެ ފަހަރެއްގެ މަތިން އަރައިފަ އެވެ.
ފަހުގެ
