ވިއްސާރައާއި ގުޅިގެން ލިބެމުންދާ ގެއްލުންތަކަށް ރައްޔިތުންނަށް އެހީވުމަށް ގިނަ އަދަދެއްގެ ފުލުހުން ހަރަކާތްތެރިވަނީ

ރާއްޖެއަށް މިހާރު ކުރަމުންދާ ވިއްސާރައާއި ގުޅިގެން ރައްޔިތުންނަށް ބޮޑެތި ގެއްލުންތަކެއް ލިބެމުންދިޔުމާއި ގުޅިގެން އެހީތެރިވުމަށް ގިނަ އަދަދެއްގެ ފުލުހުން ދަނީ ހަރަކާތެރިވަމުންނެވެ.

ފުލުހުން މިރޭ ބުނީ ރާއްޖޭއަށް މިހާރު ކުރަމުންދާ ވިއްސާރައިގައި މާލޭގެ ގޭގެއަށާއި ފިހާރަތަކަށް ފެން ވަނުން ރައްކާތެރިކުރުމަށް ވެލިބަސްތާ ޖެހުމާއި ފެން ވަދެފައިވާ ގެތަކުން ފެން ހިންދުމުގަ އާއި އެކި ގޮތްގޮތުން އެހީތެރިކަން ފޯރުކޮށްދިނުމުގައި ގިނަ އަދަދެއްގެ ފުލުހުން ދަނީ ހަރަކާތްތެރިވަމުން ކަމަށެވެ. އޭގެ ތެރޭގައި ފުލުހުން އިސްވެރިންވެސް ހިމެނެއެވެ.

ބޯވިއްސާރައާއިއެކު ފެންބޮޑުވެފައިވާ މާލޭގެ މަގުތަކުގެ އަމާންކަން ބެލެހެއްޓުމަށްވެސް މަގުތަކުގައި ގިނަ އަދަދެއްގެ ފުލުހުން މިހާރުވެސް ދަނީ ހަރަކާތްތެރިވަމުންނެވެ.

މާލޭގައި ވަރަށް ބޮޑަށް ފެންބޮޑުވެފައިވާއިރު ވެލި ބަސްތާ ޖެހުމާއި ފެން ވަދެފައިވާ ގެތަކުން ފެން ހިންދުމުގައި ސަރުކާރުގެ ކަމާބެހޭ ހުރިހާ މުއައްސަސާތަކުން ދަނީ ހަރަކާތްތެރިވަމުންނެވެ. އޭގެ ތެރޭގައި ސިފައިންނާއި ފުލުހުންގެ އިތުރުން ސަރުކާރުގެ ބައެއް ކުންފުނިތަށްވެސް ހިމެނެއެވެ.

މާލެ އިން ފެން ހިންދުމުގެ މަސައްކަތަށް ސިފައިން ދަނީ މާލޭގެ 3 ސަރަހައްދެގައި ޕަމްޕު ބަހައްޓައިގެން ހަރަކާތްތެރިވަމުންނެވެ.