--
ކޮރަޕްޝަންގެ އަމަލެއް ނޫނީ ގަވައިދާ ހިލާފަށް ކުރާ ކަމެއް ހުއްޓުވުމުގައި އެމަނިކުފާނު ފަހަތަށް ޖެހިވަޑައިނުގަންނަވާނެ ކަމަށް ރައީސް ޑރ މުހައްމަދު މުއިއްޒު ވިދާޅުވެއްޖެ އެވެ.
އެޗްޑީސީއިން ކޮރަޕްޝަނަށް މަގުފަހިވާގޮތަށް އަމަލުކޮށްފައިވާ ކަމަށް ބެލެވޭ މައްސަލައެއް ފެންމަތިވެފައިވާ ދަނޑިވަޅެއްގައި މިއަދު ނޫސްވެރިންނާއި ބައްދަލުކުރައްވައި ރައީސް މުއިއްޒު ވިދާޅުވީ ސަރުކާރުގެ އެއްވެސް ތަނެއްގައި ގާނޫނާއި ގަވާއިދާ ހިލާފަށް އެއްވެސް ކަމެއް އެއްވެސް މީހަކު ހިންގަން ބޭނުންފުޅު ނުވާ ކަމަށާއި އެމަނިކުފާނު މަގާމުތަކަށް މީހުން އައްޔަން ކުރަނީ ވައްކަން ކުރަން ނޫން ކަމަށެވެ.
"އަޅުގަނޑު މަގާމުތަކަށް މީހުން ލަނީ ވައްކަން ކުރާކަށް ނޫން. ކޮރަޕްޝަން ހިންގާކަށް ނޫން. ގަވާއިދާ ހިލާފު ކަމެއް ކުރާކަށް ވެސް ނޫން. އޭގެ ބަދަލުގައި ތެދުވެރިކަމާއި އަމާނާތްތެރިކަމާ އެކީގައި ރައްޔިތުންނަށް ހިދުމަތް ދިނުމަށް،" ރައީސް ވިދާޅުވި އެވެ.
ރައީސް ވިދާޅުވީ އެމަނިކުފާނު ބޭނުންފުޅުވަނީ ސަރުކާރަކީ ކޮރަޕްޝަނާއި ފަސާދަ އާއި ނުގަވައިދުން ހިންގާ ކަންކަމުން ދުރުވެފައި އޮތް ސަރުކާރެއް ގޮތުގައި ހިނގަން ކަމަށާއި އެއީ އެމަނިކުފާނު ވައުދުވެވަޑައިގެންނެވި ގޮތް ކަމަށެވެ. އަދި އެމަނިކުފާނަށް އެފަދަ މައުލޫމާތު ލިބިވަޑައިގެންނެވި ހިސާބުން ކޮންމެ ކަމެއްގައި ވެސް ފިޔަވަޅު އެޅުއްވިކަން ރައީސް ފާހަގަކުރެއްވި އެވެ.
މިހާރު ފެންމަތިވެފައިވާ އެޗްޑީސީގެ މައްސަލައާއި ގުޅިގެން ރައީސް ވިދާޅުވީ އެމަނިކުފާނުގެ ސަމާލުކަމަށް އެކަން އައުމާއި އެކު ވަގުތުން ފުލުހުންނަށް އެކަން އަންގަވާފައިވާނެ ކަމަށާއި ފުލުހުން މިހާރު ގެންދަނީ އެބޭފުޅުންގެ ގާނޫނޫ ޒިންމާ އަދާކުރައްވަމުން ކަމަށެވެ.
"ބިންވެރިޔާ" ސްކީމްގައި ނުހިމެނޭ ބަޔަކަށް ގޯތިތަކެއް ދީގެން އުޅޭ މައްސަލަ ހޫނުވެގެން ދިޔުމާއި އެކު އިއްޔެގެ ވަގުތެއްގައި އެޗްޑީސީގެ މެނޭޖިންގި ޑިރެކްޓަރު އިބްރާހިމް ފަޒުލް ރަޝީދު ވަނީ އިސްތިއުފާ ދެއްވާފައި އެވެ. އަދި އެޗްޑީސީގެ ބައެއް ބޭފުޅުން ވަނީ މަގާމުން ވަކިކޮށްފައެވެ.
ފަހުގެ
