އިތުރު 4 މީހެއްގެ ޕާސްޕޯޓު ހިފަހައްޓައިފި: އަކްރަމް ކަމާލުއްދީން ހިމެނޭ!

ކުރީ ސަރުކާރުގައި ހައުސިންގ މިނިސްޓްރީގެ އިސްވެރިންގެ ގޮތުގައި ތިބި ބައެއް ފަރާތްތަކުގެ ޕާސްޕޯޓު ހިފަހައްޓައިފި އެވެ.

އިތުބާރު ހުރި މަސްދަރަކުން ގާފު ނޫހަށް މައުލޫމާތު ދިން ގޮތުގައި ކޯޓު އަމުރެއްގެ ދަށުން ފުރުން މަނާކޮށް ފުލުހުން ޕާސްޕޯޓު ހިފަހައްޓާފައިވަނީ އެމިނިސްޓްރީގެ ކުރީގެ ސްޓޭޓް މިނިސްޓަރ އަކުރަމް ކަމާލުއްދީން އާއި ކުރީ ސަރުކާރުގެ ސިޔާސީ މަގާމުގައި ތިއްބެވި ދެ ބޭފުޅެކެވެ. އަދި މިހާރުވެސް އެމިނިސްޓްރީގެ ޑިރެކްޓާ ޖެނެރަލްގެ މަގާމުގައި ހުންނެވި އަހުމަދު ވިޝާންގެ ޕާސްޕޯޓުވެސް ވަނީ ހިފަހައްޓާފައި އެވެ.

ކުރީގެ ސިޔާސީ މަގާމުތަކުގައި ތިއްބެވި ހައުސިންގެ އިސްވެރިންގެ ތެރެއިން ޕާސްޕޯޓު ހިފަހެއްޓި ދެމީހުންގެ މައުލޫމާތު އަދި މިހާތަނަށް ކަށަވަރުވެފައި ނުވެއެވެ.

މި މައްސަލައާއި ގުޅިގެން އަދި މިހާތަނަށް ފުލުހުންގެ ރަސްމީ ބަހެއް ލިބިފައި ނުވި ނަމަވެސް އެހަތަރު މީހުންގެ ޕާސްޕޯޓުވެސް ހިފަހައްޓާފައިވަނީ މިހާރު ސީރިއަސް މައްސަލައެއްގެ ގޮތުގައި މިހާރު ތަހުގީގު ކުރަމުންދާ ފްލެޓާއި ގޯތީގެ މައްސަލައާއި ގުޅިގެން ކަމަށް މައުލޫމާތު ލިބެއެވެ. އެގޮތުން އަކްރަމް ހިމެނޭހެން މިރޭ ޕާސްޕޯޓު ހިފަހެއްޓި 4 މީހުންނަކީ ކުރީ ސަރުކާރުން ކުރިޔަށް ގެންދިޔަ ގެދޮރުވެރިޔާ އަދި ބިންވެރިޔާ ސްކީމުގެ މަސައްކަތްތަކުގައި އަމަލީގޮތުން އެންމެ އިސް ސަފުގައި މަސައްކަތް ކުރެއްވި ބޭފުޅުންނެނެވެ.

ގޯއްޗާއި ފްލެޓުގެ މައްސަލައާއި ގުޅިގެން އެޗްޑީސީގެ އެމްޑީ ފަޒުލް އާއި އެކުންފުނީގެ ބޯޑު މެމްބަރުންނާއި ހައުސިންގެ އިސް ފަރާތްތައް ހިމެނޭހެން ފުލުހުން ވަނީ މިއަދު 20 މީހެއްގެ ޕާސްޕޯޓުވެސް ހިފަހައްޓާފައި އެވެ.

އިތުރު ތަފްސީލް އަންނަނީ ..