ކަރަންޓުގެ ޙާލަތު ރަނގަޅު ކުރުމަށް ކެލައަށް ގެންދިޔަ ޖެނެސެޓު އޮޕަރޭޝަނަށް!

ހއ ކެލާގެ ކަރަންޓުގެ ހާލަތު ރަނގަޅު ކުރުމަށް އެރަށަށް ގެންދިޔް ޖެނެސެޓު އިންސްޓޯލްކޮށް ކޮމިޝަން ކޮށްފި އެވެ.

ފެނަކައިން މިއަދު ބުނީ ދެމެހެއްޓެނިވި ގޮތެއްގައި ކަރަންޓުގެ ޚިދުމަތް ދިނުމަށް ކުރެވެމުންދާ މަސައްކަތްތަކުގެ ތެރެއިން ކެލާގެ ކަރަންޓުގެ ޙާލަތު ރަނގަޅު ކުރުމަށް އެރަށަށް އިތުރު ޖެންސެޓް އެއް ގެންދެވި މިހާރުވަނީ އިންސްޓޯލްކޮށް ޚިދުމަތަށް ބޭނުންކުރަން ފަށާފައި ކަމަށެވެ.

އެގޮތުން އެރަށް ފެނަކައިން ގެންގޮސްފައިވަނީ 400 ކިލޯވޯޓްގެ ޖެނެސެޓެކެވެ. މި ޖެނެސެޓް އެރަށަށް ގެންދިޔައީ މިދިޔަ ނޮވެމްބަރު މަހުގެ ފަހުކޮޅު އެވެ.

ރާއްޖޭގައި އެންމެ ފުޅާ ދާއިރާއެއްގައި ފެނާއި, ނަރުދަމާ އަދި ކަރަންޓުގެ ހިދުމަތް ދެމުން އަންނަ ފެނަކަ ކޯޕަރޭޝަނުން ދަނީ އެކުންފުނީގެ ހިދުމަތްތައް އިތުރަށް ފުރިހަމަކޮށް ރައްޔިތުންނަށް ހިދުމަތް ދިނުމަށް ގިނަ ގިނަ މަސައްކަތްތަކެއް ކުރަމުންނެވެ. އެގޮތުން ރާއްޖޭގެ އެކި ކަންކޮޅުތަކުގެ ކަރަންޓުގެ ހިދުމަތް ރަނގަޅު ކުރުމަށް ފާއިތުވި އެއް އަހަރުގެ ދުވަހުގެ ތެރޭގައި ގިނަ މަސައްކަތްތަކެއް އެކުންފުނިން ވަނީ ކޮށްފައެވެ.