ކެފޭއަކަށް ވަދެ މުވައްޒަފުންނަށް ބިރުދައްކައި ގެއްލުންދިން މީހުން ފުލުހުންގެ ހައްޔަރަށް!

މާލޭގެ ކެފޭއަކަށް ވަދެ އެތަނަށް ގެއްލުންދީ އެތާގެ މުވައްޒަފުންނަށް ބިރު ދައްކި މީހުން ފުލުހުން ހައްޔަރުކޮށްފި އެވެ.

ފުލުހުން މިއަދު ބުނީ މާލެ ސިޓީގެ ހަވީރީ ހިނގުމުގައި ހުންނަ "ލެޓްސް ކޮފީ މޯލްޑިވްސް" އަށް މިދިޔަ ބުރާސްފަތި ދުވަހުގެ މެންދުރު ވަދެ ތޫނު ހަތިޔާރު ބޭނުންކޮށްގެން އެތަނުގެ މުވައްޒަފުންނަށް ބިރު ދައްކައި، މުދަލަށް ގެއްލުން ދިން މައްސަލައެއް ރިޕޯޓުކޮށްފައިވާ ކަމަށެވެ.

އަދި މި މައްސަލައާއި ގުޅިގެން ކޯޓު އަމުރެއްގެ ދަށުން ގއ. ދެއްވަދޫ ،ވައިލެޓްމާމެ އަހުމަދު ތައުފީގު، 31، އާއި ބ. ތުޅާދޫ މީޒާން، އަސަދުﷲ ޚާތިމް، 44 ހައްޔަރުކޮށްފައިވާ ކަން ފުލުހުން ވަނީ ހާމަކޮށްފައެވެ.

މިދެމީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ބަންދަށް ފަސް ދުވަސް ވަނީ ދީފައި އެވެ.

މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.