--
މިދިޔަ ބުރާސްފަތި ދުވަހު މާލޭގެ ތިން މިނިސްޓްރީއެއް ހިންގަމުން ދިޔަ ދެ އިމާރާތެއްގައި ހިނގި އަލިފާނުގެ ހާދިސާގެ ތަހުގީގަށް އާންމުންގެ އެހިއަށް ފުލުހުން އެދެފި އެވެ.
ބުރާސްފަތި ދުވަހުގެ ހެނދުނު 6:15 ހާއިރު ފުރަތަމަ އަލިފާން ރޯވީ ހައުސިންގ މިނިސްޓްރީ އާއި ކޮންސްޓްރަކްޝަން މިނިސްޓްރީ ހިންގަމުން ދިޔަ ޓިނު ބިލްޑިންގ ގައި އެވެ. އަދި އަލިފާންގަނޑު އިތުރަށް ފެތުރި އެ އިމާރާތް ޖެހިގެން ހުރި އެންވަރަމެންޓު މިނިސްޓްރީ ހިންގަމުން ދިޔަ ގްރީން ބިލްޑީންގ ގައި ވެސް އަލިފާން ރޯވި އެވެ.
އަލިފާން އެއްކޮށް ކޮންޓްރޯލް ކުރެވުނު އިރު ތިން މިނިސްޓްރީގެ މަސައްކަތްކުރަމުން ދިޔަ އޮފީސްތައް ވެސް ބޭނުން ކުރެވޭ ވަރަށް ވުރެ ބޮޑަށް ގެއްލުން ވެފައި އެވެ. އަދި އޮފީސްތަކުގައި ހުރި ގިނަ ސާމަނުތައްވެސް ވަނީ އަނދާފައި އެވެ.
މި ހާދިސާގެ ތަހުގީގު މިހާރު ފަށާފައިވާއިރު ފުލުހުން މިއަދު ނެރުނު ބަޔާނެއްގައި ބުނީ އި ތިން މިނިސްޓްރީއެއް ހިންގަމުންދިޔަ އިމާރާތުގައި ހިނގާދިޔަ އަލިފާނުގެ ހާދިސާގެ ތަހުގީގަށް ބޭނުންކުރެވިދާނެ އެއްވެސް މައުލޫމާތެއް ލިބިފައިވާނަމަ މޭޖަރ ކްރައިމް އިންވެސްޓިގޭޝަންނަށް ހިއްސާކުރުމަށް އެދޭ ކަމަށެވެ. އެގޮތުން މައުލޫމާތު ހިއްސާކުރުމަށް މޭޖަރ ކްރައިމް އިންވެސްޓިގޭޝަންގެ ނަންބަރު 9911099 އަށް ގުޅުއްވުމަށް ފުލުހުން ވަނީ އެދިފައި އެވެ.
މި ހާދިސާގެ ތަހުގީގަށް ބޭރުގެ ތަޖުރިބާކާރުންގެ ޓީމެއްގެ އެހީ ހޯދަން ނިންމާފައިވާކަން ދިވެހި ފުލުހުންގެ ހިދުމަތުން ވަނީ ހާމަކޮށްފައެވެ.
ފަހުގެ
