ރާއްޖޭގެ އުތުރަށް ހުދު ސަމާލު!

ރާއްޖޭގެ އުތުރުގެ ބައެއް އަތޮޅުތަކަށް މޫސުން ގޯސްވާނެ ކަމަށް ލަފާކޮށް ހުދު ސަމާލު ނެރެފި އެވެ.

މޫސުމާއި ބެހޭ ގައުމީ އިދާރާއިން ހުދު ސަމަލާު ނެރެފައިވަނީ ހއ އަތޮޅުން ފެށިގެން ބ އަތޮޅާއި ހަމައަށެވެ. އެގޮތުން ސަމާލު ނެރެފައިވަނީ މެންދުރު 12:00 އިން ފެށިގެން ހަވިރު 17:00 ގެ ނިޔަލަށެވެ.

މޫސުމާއި ބެހޭ ގައުމީ އިދާރާއިން ލަފާކުރެވޭ ގޮތުގައި ސަމާލުގެ މުއްދަތުގައި އެސަރަހައްދުތަކަށް ބޯކޮށް ވާރޭވެހުމާއި ގުގުރާނެ އެވެ.

އިއްޔެއިން ފެށިގެން ރާއްޖޭގެ ދެކުނާއި އުތުރަށް ވަނީ މޫސުން ގޯސްވެފައި އެވެ. އެގޮތުން އިއްޔެގެ ގިނަ ވަގުތުތަކެއްގައި ރާއްޖޭގެ ދެކުނުގެ ދެ ސިޓީ ކަމަށްވާ ފުވައްމުލަކާއި އައްަޑޫ އޮތީ ހުދު ސަމާލުގައި އެވެ. އަދި އުތުރުގެ ބައެއް ސަރަހައްދުތަކަށް ބޯކޮށް ވާރޭވެހިފައިވާއިރު ފާއިތުވި 24 ގަޑިއިރުގެ ތަފާސްހިސާބުތައް ދައްކާގޮތުން ނަމަ އެންމެ ބޯކޮށް ވާރޭވެހުނީ ހއ ކެލާއަށެވެ.