ދެކުނުގެ ދެ ސިޓީއަށް ނެރުނު ހުދު ސަމާލު ދަންމާލައިފި

މޫސުން ގޯސްވާނެ ކަމަށް ލަފާކޮށް ރާއްޖޭގެ އެންމެ ދެކުނުގެ ދެ ސިޓީއަށް ނެރުނު ހުދު ސަމާލު މިރޭގެ ދަންވަރާއި ހަމައަށް ދަންމާލައިފި އެވެ.

މޫސުމާއި ބެހޭ ގައުމީ އިދާރާއިން ރާއްޖޭގެ ދެކުނުން ފުވައްމުލައް ސިޓީއަށާއި އައްޑޫ ސިޓީއަށް ހުދު ސަމާލު ނެރުނީ މިއަދު މެންދުރު 12:00 ގައި އެވެ. އެ ސަމާލު މިއަދުގެ އިރުއޮއްސި 18:00 އަށް ނެރުނު އިރު މިހާރު އެސަމާލު ވަނީ މިރޭގެ ދަންވަރު 01:00 އާއި ހަމައަށް ދަންމާލާފައި އެވެ.

މޫސުމާއި ބެހޭ ގައުމީ އިދާރާއިން ވަނީ ހުދު ސަމާލުގެ މުއްދަތުގައި އެސަރަހައްދަށް ގަޑިއަކު 19 މޭލައި 24 މޭލާއި ދެމެދަށް ވައިގަދަވެ ކަނޑުތައް ގަދަވާނެ ކަމަށް ލަފާކޮށްފައެވެ.

މީގެ އިތުރުން މިރޭ އުތުރަށްވެސް ވިއްސާރަކޮށް ކަނޑުތައް ގަދަވާނެ ކަމަށް މޫސުމާއި ބެހޭ ގައުމީ އިދާރާއިން ލަފާކުރެއެވެ. އަދި މެދު ރާއްޖެ ތެރެއަށް ކެރީގެ އަސަރު ކުރާނެ ކަމަށްވެސް ވަނީ ބުނެފައި އެވެ.