--
މިއަދު މާލޭގައި ހިނގި އަލިފާނުގެ ބޮޑު ހާދިސާއާއި ގުޅިގެން އަންނަ އާދީއްތަ ދުވަހުގެ ރޭ ބޭއްވުމަށް ތާވަލުކުރި ރެހެންދި އެވޯޑު ދިނުމުގެ ހަފްލާ ފަސްކޮށްފި އެވެ.
މާލޭގައި މިއަދު ހެނދުނު އަލިފާނުގެ ހާދިސާއެއް ހިނގީ އަމީނީމަގުން މާފަންނުގައި ހުންނަ ހައުސިންގ މިނިސްޓްރީ ހިންގަމުން ދިޔަ އިމާރާތުގައި އެވެ. މި އަލިފާންގަނޑު ކޮންޓްރޯލް ނުކުރެވި ކޮންސްޓްރަކްޝަން މިނިސްޓްރީއާއި އެންވަރަމެންޓު މިނިސްްޓްރީ ހިންގަމުން ދިޔަ އިމާރާތްތަކަށްވެސް އެލިފާންގަނޑު ފެތުރި އެއޮފީސްތައް ވަނީ ބޭނުންނުކުރެވޭ ވަރަށް އަނދާފައެވެ.
މި ހާދިސާއި ގުޅިގެން އެތިން މިނިސްޓްރީގެ ހިދުމަތްތައް ވަގުތީ ގޮތުން މެދުކަނޑާލާފައިވާއިރު އެމިނިސްޓްރީ ތަކުގެ ހިދުމަތްތައް ފެށޭނެ ސީދާ ތާރީހެއް އަދި ސަރުކާރުން ހާމައެއް ނުކުރެއެވެ.
މިރޭ އިޖްތިމާއީ އަދި އާއިލީ ތަރައްޤީއާއި ބެހޭ ވުޒާރާއިން ނެރުނު ކުރު ބަޔާނެއްގައި ބުނީ މިއަދު ހިނގައިދިޔަ ހިތާމަވެރި އަލިފާނުގެ ހާދިސާއާ ގުޅިގެން 15 ޑިސެމްބަރު 2024 ވަނަ ދުވަހުގެ ރޭ ބޭއްވުމަް ތާވަލުކުރީ 10 ވަނަ ރެހެންދި އެވޯޑު ދިނުމުގެ ހަފްލާ ފަސްކޮށްފައިވާ ކަމަށެވެ. ހަފުލާއަށް ދައުވަތު އަރުވައިފައިވާ ފަރާތްތަކަށް ހަފުލާ ބާއްވާނެ ދުވަހެއް ފަހުން ހިއްސާކުރާނެ ކަމަށް އެ މިނިސްޓްރީން ބުނެފައިވެއެވެ.
ރެހެންދި އެވޯޑުގެ އިތުރުން މާދަމާ ރޭ ބޭއްވުމަށް ތާވަލުކުރި މަސްވެރިންގެ ދުވަހުގެ ރަސްމީ ޖަލްސާވެސް މިިހާރު ވަނީ ފަސްކޮށްފައެވެ.
މިއަދުގެ މި ހާދިސާގެ ރިޕޯޓު ސިފައިންނަށް ލިބުނީ މިއަދު 06:27 ހާއިރު އެވެ. އެވަގުތުން ފެށިގެން އަލިފާން ނިއްވުމަށް ސިފައިން މަސައްކަތްކުރަމުން ދިޔައިރު އަލިފާންގަނޑު އެއްކޮށް ކޮންޓްރޯލްކުރެވުނީ މިއަދުގެ މެންދުރު ފަހުގެ ވަގުތެއްގައި އެވެ.
މި ހާދިސާގައި ހާލުގައި ޖެހުނު 7 ގޭބިސީއެއްގެ 29 މީހަކަށް ނެޝަނަލް ޑިޒާސްޓަރ މެނޭޖެންމެންޓުން ދަނީ އެހީތެރިކަން ފޯރުކޮށްދެމުންނެވެ.
ފަހުގެ
