އާޓިފިޝަލް ބީޗު ސަރަހައްދުގައި ބިދޭސީން ތަކެއްގެ މެދުގައި މަރާމާރީއެއް!

މާލޭގެ އާޓީފިޝަލް ބީޗު ސަރަހައްދުގައި ބިދޭސީންތަކެއް މެދުގައި މާރާމާރީއެއް ހިނގައިފި އެވެ.

ފުލުހުން މިރޭ ބުނީ މިއަދު އިރުއޮއްސި 18:22 ހާއިރު އާޓިފިޝަން ބީޗު ސަރަހައްދުގައި ބަޔަކު މާރާމާރީ ހިންގި މައްސަލައެއް ފުލުހުންނަށް ރިޕޯޓުކޮށްފައިވާ ކަމަށެވެ. ނަމަވެސް މި މައްސަލައާއި ގުޅިގެން އަދި މިހާތަނަށް މީހަކު ހައްޔަރުކޮށްފައި ނުވި ނަމަވެސް މައްސަލައާއި ގުޅިގެން ބަލަންޖެހޭ ކަންކަން ފުލުހުން ބަލަމުންދާކަން ވަނީ ހާމަކޮށްފައެވެ.

މީސްމީޑިއާގައި މިހާރު ދައުރުވަމުންދާ މި މާރާމާރީއާއި ގުޅޭ ވީޑިއޯއަކުން ފެންނަ ގޮތުގައި މާރާމާރީ ހިނގީ ބިދޭސީންގެ ދެ ގްރޫޕެއްގެ ދޭތެރޭގައި އެވެ. އެގޮތުން މާރާމާރީ ހިނގި ވަގުތަކީ އާޓިފިޝަލް ބީޗުގައި ގިނަ އަދަދެއްގެ ބަޔަކު ތިބި ވަގުތެއްކަންވެސް ވީޑިއޯއެއް ފެނިގެން ދެއެވެ.

މި ހާދިސާގެ އެހެން ވީޑިއޯއަކުން ފެންނަ ގޮތުގައި މި މާރާމާރީގެ ތެރޭގައި ދިވެހި ކުޑަކުއްޖަކަށް ހާނީއްކަ ވުމާއި ގުޅިގެން އެކުއްޖާގެ އާއިލާއިން އެކަމާއި ކަންބޮޑުވުން ފާޅުކުރާ މަންޒަރު ފެނިގެން ދެއެވެ.

މައުލޫމާތު ލިބޭގޮތުގައި އާޓިފިޝަލް ބީޗު ސަރަހައްދުގައި އާންމުކޮށް ހުކުރު ދުވަސްތަކުގައި ބިދޭސީންގެ މެދުގައި މާރާމާރީތައް ހިނގާ މިންވަރު މިހާރު ވަނީ ގިނަ ވެފައި އެވެ.