--
ގައުމީ ބޭންކު ބީއެމްއެލް އިން ކުރިއަށް ގެންދާ ސްޓްރެޓެޖިކް އިނިޝިއޭޓިވް، ވޭސްޓް މެނޭޖްމަންޓް ގްރާންޓް ޕްރޮޖެކްޓް ކާމިޔާބުކުރި ފަރާތްތައް ހޮވައިފިއެވެ.
މި ޕްރޮޖެކްޓް އަކީ ދެމެހެއްޓެނިވި މާހައުލެއް ރާއްޖޭގެ މުޖުތަމައުތަކަށް ކުރިއެރުވުމުގެ މަގްސަދުގައި ކުރިއަށް ގެންދާ ޕްރޮޖެކްޓްއެކެވެ. މި ޕްރޮޖެކްޓް ގެދަށުން ކުނި މެނޭޖްކުރާ ފެސިލިޓީތަކަށް ބޭނުންވާ ސާމާނު ގަތުމަށް ބޭނުންވާ ފައިސާ ލިބޭނެ އެވެ.
ޕްރޮޖެކްޓު ކާމިޔާބުކުރި ފަރާތް:
1. ލިވް އެންޑް ލާރން އެންވަޔަރަންމަންޓަލް އެޑިޔުކޭޝަން މޯލްޑިވްސް
ބޭންކުން ފޯރުކޮށްދޭ އާލާތްތައް: ތިން ގްލާސް ކްރަޝަރ މެޝިން
އާލާތްތައް ލިބޭ ރަށްތައް: ކ. ގާފަރު، އއ. އުކުޅަސް އަދި އދ. ދިގުރަށް
2. މޯލްޑިވްސް އޯޝަން ޕްލާސްޓިކް އެލަޔަންސް (މޯޕާ)
ބޭންކުން ފޯރުކޮށްދޭ އާލާތްތައް: އެއް ގްލާސް ކްރަޝަރ މެޝިން އަދި އެއް ބޭލަރ
އާލާތްތައް ލިބޭ ރަށް: ހުޅުމާލެ
މި މަސައްކަތުން ކުނިގޮނޑުތަކަށް އުކާލެވޭ ކުނީގެ މިންވަރު މަދުކޮށް، ކުނި ނައްތާލުމުގެ ޚަރަދު ކުޑަކޮށް، އަދި ހަރުދަނާ ގޮތެއްގައި ރީސައިކަލްކުރުމުގެ މަސައްކަތް ކުރިއެރުވޭނެއެވެ. މި ޕްރޮޖެކްޓަކީ ދެމެހެއްޓެނިވި މުޖުތަމަޢުތަކެއް ބިނާކުރުމަށާއި ތިމާވެށި ރައްކާތެރިކުރުމަށް ބޭންކުން ކުރަމުންދާ މަސައްކަތްތަކުގެ ތެރެއިން ހިންގުނު މަޝްރޫއެކެވެ.
.webp&w=3840&q=75)
ފަހުގެ
