މާލޭގައި ވިޔަފާރިވެރިންތަކެއް ހިލޭ އެހީގައި މިސްކިތެއް ބިނާކުރަނީ

މާލޭގައި މިހާރު ވަގުތީ މިސްކިތެެއްް ހުރި ބިމުގައި ހިލޭ އެހީގައި މިސްކިތެއް ބިނާކުރުމަށް ވިޔަފާރިވެރިންގެ ޓީމަކާއި އެކު އިސްލާމީ ކަންތައްތަކާއި ބެހޭ ވުޒާރާއިން ސޮއިކޮށްފި އެވެ.

އިސްލާމީ ކަންތައްތަކާއި ބެހޭ ވުޒާރާއިން ސޮއިކޮށްފައިވަނީ މ. ބޮޑުގެ ވަގުތީ މިސްކިތް ހުރި ބިމުގައި މިސްކިތެއް ބިނާކުރުމަށްޓަކައި ހިލޭ އެހީގައި މިސްކިތް ބިނާ ކުރާ ފަރާތާއި ދެމެދުއެވެ. މިނިސްޓްރީން ބުނީ ހިލޭ އެހީގައި މިސްކިތް ބިނާ ކުރައްވާ ފަރާތަކީ ވިޔަފާރިވެރިންގެ ޓީމަކުން ކަމަށެވެ.

އެގޮތުން މިއީ 3 ބުރީގެ މިސްކިތެއް ކަމަށާއި މިސްކިތުގައި ޤުރްއާން ކިޔަވައިދިނުމާއި ލައިބްރަރީގެ ހިދުމަތް ހިމެނޭ ކަމަށްވެސް މިނިސްޓްރީން ބުނެއެވެ.

އެގޮތުން މި މިސްކިތުގެ ބިންގާ އަންނަ ޑިސެމްބަރު މަހު އަޅައި ރޯދަ މަހުގެ ފަހުން މިސްކިތް އެޅުމުގެ އަމަލީ މަސައްކަތް ފެށުމަށް ވަނީ ތާވަލުކޮށްފައެވެ.