ދެކުނުގެ އަތޮޅުތައް ހުދު ސަމާލުގައި!

މޫސުން ގޯސްވާނެ ކަމަށް ލަފާކޮށް ދެކުނުގެ އަތޮޅުތަކަށް ހުދު ސަމާލު ނެރެފި އެވެ.

މޫސުމާ ބެހޭ ގައުމީ އިދާރާއިން ހުދު ސަމާލު ނެރެފައިވަނީ ގއ އަތޮޅުން ފެށިގެން އައްޑޫ ސިޓީއާ ހަމައަށް މިއަދު މިއަދުގެ 18:30 ގެ ނިޔަލަށެވެ.

އެ އިދާރާއިން ބުނީ, މި މުއްދަތުގައި އެސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި 40 މޭލަށް ވައިގަދަވާނެ ކަމަށްވެސް ވަނީ ލަފާކޮށްފައެވެ.

އިއްޔެއިން ފެށިގެން ރާއްޖެއަށް މޫސުން ގޯސްވާނެ ފަށާފައިވާއިރު މޫސުން އެންމެ ބޮޑަށް ގޯސްވެފައިވަނީ ދެކުނަށެވެ. އެގޮތުން މިއަދު ހެނދުނުން ފެށިގެން ދެކުނުގެ އަތޮޅުތަކަށް ވަނީ ރީނދޫ ސަމާލުވެސް ނެރެފައި އެވެެ.