ހދ. އަތޮޅު ދަނޑުވެރިންނަށް އަމާޒުކޮށްގެން ޚާއްޞަ ތަމްރީނު ޕްރޮގްރާމެއް ފަށައިފި

ހދ. އަތޮޅުގެ ދަނޑުވެރިންގެ ހުނަރު އިތުރުކޮށް، އުފެއްދުންތެރިކަން ރަނގަޅުކުރުމަށް އަމާޒުކޮށްގެން ޚާއްޞަ ތަމްރީނު ޕްރޮގްރާމެއް އިއްޔެ ފަށައިފި އެވެ.

މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ އިން އިންތިޒާމުކޮށްގެން ކުރިއަށްގެންދާ މި ޕްރޮގްރާމުގައި ހދ. އަތޮޅުގެ އެކި ރަށްރަށުން 13 ދަނޑުވެރިން ބައިވެރިވެއެވެ. ޕްރޮގްރާމް ކުރިއަށްދާނީ 7 ދުވަހުގެ މުއްދަތަށެވެ.

ދަނޑުވެރިކަމާއި ބެހޭ ވުޒާރާއިން ބުނީ މި ޕްރޮގްރާމް ކުރިއަށްދަނީ ހދ. ހަނިމާދޫ އެގްރިކަލްޗަރ ސެންޓަރުގައި ކަމަށެވެ.

މި ތަމްރީނު ޕްރޮގްރާމުގައި ދަނޑުވެރިންނަށް ދަސްކޮށްދެނީ ޒަމާނީ ދަނޑުވެރިކަމުގެ އާ ޓެކްނިކްތަކާއި، ގަސްކާނާ ބޭނުންކުރުމުގެ ހަރުދަނާ ގޮތްތަކާއި، ބަލިތަކުން ގަސް ސަލާމަތްކުރުމުގެ ގޮތްތަކެވެ.