މާލެ ސަރަހައްދުގައި ޖަމާޢަތްތެރިން ތަމްރީނު ކުރުމުގެ ޕްރޮގުރާމް ފަށައިފި

ކީރިތި ޤުރުއާނާއި ބެހޭ ޤައުމީ މަރުކަޒުން މާލެ ސަރަހައްދުގައި ކުރިއަށް ގެންދާ ޖަމާޢަތްތެރިން ތަމްރީން ކުރުމުގެ ޕްރޮގުރާމް ފަށައިފިއެވެ.

އިސްލާމީ ކަންތައްތަކާއި ބެހޭ ވުޒާރާއިން ބުނީ މި ތަމްރީނުގައި އަންހެން އަދި ފިިރިހެން ހިމެނޭހެން 28 ބައިވެރިން ބައިވެރިވެފައިވާ ކަމަށެވެ.

ކީރިތި ޤުރުއާނާއި ބެހޭ މަރުކަޒުގައި ކުރިއަށްދާ މި ތަމްރީނުގައި ކިޔަވައިދެއްވަނީ އިސްލާމީ ކަންތައްތަކާ ބެހޭ ވުޒާރާގެ ވާއިޡުންކަމަށްވާ އައްޝައިޚް ޢާޒިމް ޚާލިދު އާއި އައްޝައިޚް ޢަބްދުލްޤާދިރު މުޙައްމަދުއެވެ.

މި ތަމްރީން ޕްރޮގުރާމް ކުރިއަށް ގެންދިއުމަށް ހަމަޖެހިފައިވަނި ދެ ހަފްތާގެ މުއްދަތަށެވެ. މިއީ މާލެއާއި ރާއްޖޭގެ ރަށްރަށުގައި ކަށުކަމާކެމީގެ ކަންކަން ކުރުމަށް އެކަށީގެންވާ ތަމްރީނު ލިބިފައިވާ މީހުން އިތުރުކުރުމުގެ މަޤުސަދުގައި ކުރިއަށް ގެންދެވޭ ޕްރޮގުރާމެއްކަން ވުޒާރާއިން ހާމަކުރެއެވެ.