ހުޅުމާލެ ފޭސް 2 ގައި ނުރައްކާތެރި އެކްސިޑެންޓެއް, އެކަކަށް ސީރިއަސް އަނިޔާތަކެއް!

ހުޅުމާލޭ ފޭސް 2 ގައި ނުރައްކާތެރި އެކްސިޑެންޓެއް ހިނގައިފި އެވެ.

ފުލުހުން ބުނީ މިއަދު 6:50 ހާއިރު ހުޅުމާލެ ފޭސް 2 ގައި ދުއްވި ކާރަކާއި ސައިކަލެއް ޖެހި އެކްސިޑެންޓުވި މައްސަލައެއް ފުލުހުންނަށް ރިޕޯޓުކޮށްފައިވާ ކަމަށެވެ.

އެގޮތުން މި އެކްސިޑެންޓުގައި ސައިކަލު ދުއްވަން އިން މީހާއަށް ސީރިއަސް އަނިޔާތަކެއް ވެފައިވާ ކަމަށާއި މިހާރު ފަރުވާ ދެމުންދަނީ ހުޅުމާލޭ ހޮސްޕިޓަލުގައި ކަމަށް ވެސް ފުލުހުން ވަނީ ބުނެފައި އެވެ.

ފުލުހުން މި އެކްސިޑެންޓާއި ގުޅިގެން އަދި މިހާތަނަށް އިތުރު ތަފްސީލެއް ހާމަކޮށްފައި ނުވާއިރު ގާފު ނޫހަށް މައުލޫމާތު ލިބިފައިވާގޮތުގައި މިއަދުގެ އެކްސިޑެންޓުގައި ކާރު ދުއްވަން އިން މީހާއަކީ ލައިސެންސް އޮތް ފަރާތެއް ނޫނެވެ.

ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.