-
މާލޭގައި ކާރަކާއި ސައިކަލެއްޖެހި ރޭ ހިނގި ނުރައްކާތެރި އެކްސިޑެންޓްގައި އަނިޔާވި މީހާގެ ހާލު ސީރިއަސްކަމަށް އައިޖީއެމްއެޗް އިން ބުނެފި އެވެ.
މި އެކްސިޑެންޓް ހިނގާފައިވަނީ ރޭ 12:53 ހާއިރު ބޮޑުތަކުރުފާނު މަގާއި ކޮއިމަލާ ހިނގުން ގުޅޭ ކަންމަތީގައި ސައިކަލަކާއި ކާރެއް ޖެހިގެންނެވެ.
މި އެކްސިޑެންޓުގައި ސައިކަލް ދުއްވަން އިން 21 އަހަރުގެ ޒުވާނާއަށް އެކިވަރުގެ އަނިޔާ ލިބިގެން އައިޖީއެމްއެޗް އަށް ވަނީ ގެންގޮސްފައެވެ.
އައިޖީއެމްއެޗުން ބުނެފައިވާ ގޮތުގައި އެޒުވާނާއަށް ފަރުވާދެމުންދަނީ ވެންޓިލޭޓަރުގައެވެ.
ފުލުހުން ދަނީ މި މައްސަލަ ތަހުގީގުކުރަމުންނެވެ.