ވައިގެ މަގުން އެތެރެކުރަން އުޅުނު 11 ކިލޯގެ މަސްތުވާތަކެތި އަތުލައިގެންފި

ވައިގެ މަގުން އެތެރެކުރަން އުޅުނު 9 މިލިއަން ރުފިޔާގެ މަސްތުވާތަކެތި އަތުލައިގެންފި އެވެ.

ކަސްޓަމްސްއިން މިއަދު ބުނީ މިމަހުގެ 14 ވަނަ ދުވަހާއި 19 ވަނަ ދުވަހު ހިންގި ދެ އޮޕަރޭޝަނެއްގައި ވެލާނާ އިންޓަނޭޝަނަލް އެއާޕޯޓުން ވައިގެ މަގުން އެތެރެކުރަން މަސައްކަތްކުރި ގިނަ އަދަދެއްގެ މަސްތުވާތަކެތި އަތުލައިގެންފައިވާ ކަމަށެވެ.

އެގޮތުން މި ޚާއްސަ އޮޕަރޭޝަންތަކުގައި ޖުމްލަ 11.62 ކިލޯގެ މަސްތުވާތަކެތި އަތުލައިގެންފައިވާ ކަން ވަނީ ހާމަކޮށްފައެވެ. އޭގެ ތެރޭގައި ހިމެނެނީ މަސްތުވާތަކެތީގެ ބާވަތްތަކެއްވާ ކެތިނޯންގެ 0.680 ކިލޯއާއި (0.740 ކިލޯގެ ހިރޮއިންއާއި 10.20 ކިލޯގެ ކެނަބިސް ކަމަށް ކަސްޓަމްސްއިން ބުނެއެވެ.

މިތަކެތީގެ މަގުމަތީ އަގު9.86 މިލިއަން ދިވެހި ރުފިޔާއަށް އަރާކަމަށް ކަސްޓަމްސްއިން ބުނެއެވެ.