--
ރާއްޖެއަށް މާލީ ބަގާވާތެއް ގެނައުމަށް މަސައްކަތްކުރީ އިދިކޮޅު އެމްޑީޕީން ކަމަށް ޕީޕީއެމްގެ ނައިބު ރައީސް އަދި ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްްޖެ އެވެ.
ޝިޔާމް މިފަދައިން ވިދާޅުވީ މިހާރު ވެރިކަން ކުރާ ޕީއެންސީން ކުރިޔަށްގެންދާ ހަރުގެ ޖަލްސާގައި ވާހަކަފުޅު ދައްކަވަމުންނެވެ.
ޝިޔާމް ބަގާވާތެއްގެ ގޮތުގައި ސިފަކުރެއްވީ އިއްޔެ ރާއްޖޭގެ މައި ބޭންކު ބީއެމްއެލުން ދިވެހި ރުފިޔާ ކާާޑުން ޑޮލަރުގެ މުއާމަލާތްތައް ކުރުން ހުއްޓުވުމަށް ނިންމި ނިންމެވުމަކަށެވެ. ސަރުކާރުގެ ޕްރޮޝަރާއި އެކު ބީއެމްއެލުން އެނިންމުން ވަނީ ފަހުން ބަދަލުކޮށްފައެވެ.
އެގޮތުން ޝިޔާމް ވިދާޅުވީ ބޭންކުން އިއްޔެ ނިންމު ނިންމުމަކީ ރާއްޖެއަށް މާލީ ބަގާވާތެއް ގެނައުމަށް އިދިކޮޅުން ކުރި މަސައްކަތެއް ކަމަށެވެ. އެގޮތުން ބޭންކުން އިއްޔެ ނިންމުން ނިންމި ވަގުތަކީ އެމްޑީޕީން ރާއްޖޭގެ މާލީ ހަލަތާއި ގުޅިގެން ނޫސްވެރިންގެ ބައްދަލުވުމެއް ކުރިޔަށް ގެންދިޔަ ވަގުތު ކަމަށާއި އެއީ އިއްތިފާގެއް ނޫން ކަމަށް ޝިޔާމް ތުހުމަތު ކުރެއްވި އެވެ.
ޝިޔާމް ވިދާޅުވީ ގައުމީ ބޭންކުން ދިވެހި ރައްޔިތުންގެ " ކަރުގައި ހިފަން " ކުރި މަސައްކަތަކީ އިންތިޒާމުކުރެވިގެން ވަރަށް ރޭވިގެން ހިނގި ބަގާވާތެއް ކަމަށާއި ބީއެމްއެލްއަކީ ބަގާވާތުގެ ބައިވެރިއެއް ކަމަށެވެ.
އިތުރު ތަފްސީލް އަންނަނީ ..
ފަހުގެ
