ރަސްމީ ދަތުރުފުޅެއްގައި މަޖިލީހުގެ ރައީސް އަބްދުއްރަހީމް ޗައިނާއަށް!

އަހުމަދު ޝުރާއު

8/18/2024, 5:23:53 AM

# ޗައިނާ - ރާއްޖެ # އަބްދުއްރަހީމް އަބްދުﷲ (އަދުރޭ)# ރައްޔިތުންގެ މަޖިލިސް

ރެަސްމީ ދަތުރުފުޅެއްގައި ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުالله ޗައިނާއަށް ފުރާވަޑައިގެންފި އެވެ.

އަބްދުއްރަހީމް ޗައިނާއަށް ފުރާވަޑައިގެންނެެވީ 2024 އިންޓަރރީޖަނަލް ސެމިނަރ އޮން ދަ އެޗީވްމެންޓް އޮފް ދަ އެސްޑީޖީސް ފޯރ ޕާލަމެންޓްސް އޮފް ޑެވެލޮޕިންގ ކަންޓްރީސްގައި ބައިވެރިވެވަޑައިގަތުމަށެވެ. އެގޮތުން އެމަނިކުފާނު ފުރާ ވަޑައިގެންނެވީ ރޭގެ ވަގުތެއްގައި އެވެ.

އަބްދުއްރަހީމްގެ އަރިހުގައި މި ދަތުރުފުޅުގައި މަޖިލީހުގެ ވިލިމާލެ ދާއިރާގެ މެމްބަރު މުހައްމަދު އިސްމާއީލް، ބާރަށު ދާއިރާގެ މެންބަރު އިބްރާހިމް ޝުޖާއު، އަދި ހުޅުދޫ ދާއިރާގެ މެންބަރު މުހައްމަދު ޝާހިދުވެސް ބައިވެރިވެވަޑައިގަންނަވައެވެ.

View post on Twitter

އިންޓަރރީޖަނަލް ސެމިނަރ އޮން ދަ އެޗީވްމެންޓް އޮފް ދަ އެސްޑީޖީސް ފޯރ ޕާލަމެންޓްސް އޮފް ޑެވެލޮޕިންގ ކަންޓްރީސް އަކީ އިންޓަރޕަލިމެންޓަރީ ޔޫނިއަންއިން ބާއްވާ ޚާއްސަ ސެމިނާއެކެވެ. މި ސެމިނާ އޮންނަނީ ޗައިނާގެ ވެރިރަށް ބެއިޖިންގައި މިމަހުގެ 19 ވަނަ ދުވަހުން ފެށިގެން 27 ވަނަ ދުވަހުގެ ނިޔަލަށެވެ.