އައިޖީއެމްއެޗްގެ ނަރުހަކު މަސްތުވާތަކެތި ބޭނުންކުރާ މައްސަލައެއް ބަލަނީ

އައިޖީއެމްއެޗްގައި މަސައްކަތް ކުރާ ނަރުހަކު މަސްތުވާތަކެތި ބޭނުންކުރަމުންދާ މައްސަލައެއް ތަހުގީގުކުރަމުން އަންނަ ކަމަށް ފުލުހުން ބުނެފި އެވެ.

ފުލުހުން ތަހުގީގުކުރަމުން އަންނަ މި މައްސަލައަކީ އައިޖީއެމްއެޗް އިން ފުލުހުންނަށް ހުށަހަޅާފައިވާ މައްސަލައެކެވެ.

އެ މައްސަލައަކީ ތަހުގީގު ކުރަމުންދާ މައްސަލައަކަށް ވާތީ އިތުރު މައުލޫމާތު ހާމަ ކުރެވެން ނެތް ކަމަށް ފުލުހުން ވަނީ ބުނެފައެވެ.

އެނގިފައިވާގޮތިގައި މި މައްސަލަ ފެންމަތިވީ މަސްތުގެ ހާލަތުގައި ހުރެ އޭނާ މަސައްކަތަށް ނުކުމެ އުޅެނިކޮށް އެކަން ފާހަގަކުރެވިގެންނެވެ.

މި މައްސަލައިގައި މިހާތަނަށް އެއްވެސް މީހަކު ހައްޔަރުކޮށްފައެއް ނުވެއެވެ.