ކާޑެއްދޫ އެއަރޕޯޓުގެ ފަޔަރފައިޓަރުންނަށް ރެސްކިޔު ސްވިމިންގ ޕްރޮގްރާމެއް ފަށައިފި
އަހުމަދު ޝުރާއު
8/14/2024, 12:15:40 PM
--
އެމްއެންޑީއެފް ސަދަން އޭރިއާ ކޮމާންޑުން، ގދ.ކާޑެއްދޫ އެއަރޕޯޓުގައި މަސައްކަތްކުރާ ފަޔަރފައިޓަރުންނަށް އަމާޒުކޮށްގެން ރެސްކިޔު ސްވިމިންގ ޕްރޮގްރާމެއް ފަށައިފިއެވެ.
މިއަދުން ފެށިގެން 14 ދުވަހުގެ މުއްދަތަކަށް ކުރިއަށް ގެންދިއުމަށް ހަމަޖެހިފައިވާ މި ޕްރޮގްރާމުގައި ކާޑެއްދޫ އެއަރޕޯޓުގައި މަސައްކަތްކުރާ 12 ފަޔަރފައިޓަރުން ވަނީ ބައިވެރިވެފައެވެ.
މި ޕްރޮގްރާމުގެ ބައިވެރިންނަށް، ރެސްކިޔު ސްޓްރޯކްސް، ރެސްކިޔު ޖަމްޕްސް، ރެސްކިޔު ޑައިވްސް، އެޕްރޮޗިންގ ސްކިލްސް، އަދި ރެސްކިޔު ސްވިމިންގއާ ބެހޭ ތިއޮރީ ބައިތައް އުނގަންނައިދިނުމަށް ވަނީ ހަމަޖެހިފައެވެ.
ކާޑެއްދޫ އެއަރޕޯޓުގެ ފަޔަރފައިޓަރުންނަށް ކުރިއަށް ގެންދާ މި ޕްރޮގްރާމުގައި، މުދައްރިބުންގެ ގޮތުގައި ހަރަކާތްތެރިވަނީ އެމްއެންޑީއެފް ސަދަން އޭރިއާ ކޮމާންޑުގައި މަސައްކަތްކުރާ ސިފައިންނެވެ.