--
ޖަޕާނުގެ ޕެސިފިކް އައްސޭރިފަށަށް ބޮޑު ބިންހެލުމެއް އައުމުގެ ނުރައްކާ އޮތް ކަމަށް ސަރުކާރުން ފުރަތަމަ ފަހަރަށް އެޑްވައިޒަރީ ނެރެފައި ވަނިކޮށް، އެގައުމުގެ ވެރިރަށް ޓޯކިޔޯ އާއި ވަށައިގެންވާ ސަރަހައްދުތަކަށް 5.3 މެގްނިޓިއުޑްގެ ބިންހެލުމެއް އައިސްފައިވާ ކަމަށް އެގައުމުގެ ކަމާބެހޭ އިދާރާތަކުން ބުނެއެވެ.
ސުނާމީ އެލާޓަކާ ނުލައި ވެރިރަށް ކަނަގަވާ، ސައިޓަމާ، ޔަމަނަޝީ އަދި ޝިޒުއޯކާ ޕްރިފެކްޗާއަށް ބާރުގަދަ ބިންހެލުމެއް އަންނާނެ ކަމުގެ އިންޒާރު އެގައުމުގެ ސަރުކާރުން ދިނީ އިއްޔެ އެވެ.
މިއަދުގެ ބިންހެލުމުގެ ސަބަބުން ޓޯކިޔޯގެ އިމާރާތްތަކަށް ވަނީ ބޮޑެތި ގެއްލުންތަކެއް ލިބިފައެވެ. ޓޯކިޔޯ މެޓްރޯގެ ރޭލު ލައިންތަކުގެ ތެރެއިން މަދުވެގެން އެއް ލައިން ކުޑަވަގުތުކޮޅަކަށް ހުއްޓާލި ނަމަވެސް ވަރަށް އަވަހަށް ހިދުމަތް ދޭން ފެށި ކަމަށް ރިޕޯޓުތައް ބުނެއެވެ.
ކަނަގަވާ ޕްރިފެކްޗާގެ ހުޅަނގު ފަރާތު ސަރަހައްދުފަދަ ސަރަހައްދުތަކަށް ލިބުނު ގެއްލުމެއް އަދި ސާފެއް ނުވެ އެވެ.
ފަހުގެ
