ހުވަދޫ އަތޮޅުގެ ދިވެހި ކިޔަވައިދޭ މުދައްރިސުންނަށް ޚާއްޞަ ތަމްރީނެއް ކުރިއަށްގެންގޮސްފި
އަހުމަދު ޝުރާއު
8/6/2024, 6:43:18 PM
--
ގދ އަދި ގއ އަތޮޅުގެ ސްކޫލުތަކުގައި ދިވެހި މާއްދާ ކިޔަވައިދޭ މުދައްރިސުންނަށް ޚާއްޞަ ތަމްރީނު ޕްރޮގްރާމެއް ކުރިއަށް ގެންގޮސްފިއެވެ.
މި ތަމްރީނު ޕްރޮގްރާމް ކުރިއަށް ގެންގޮސްފައިވަނީ ނޭޝަނަލް އިންސްޓިޓިއުޓް އޮފް އެޑިޔުކޭޝަންގެ އެހީތެރިކަމާއެކުގައެވެ.
އެއް ދުވަހުގެ މުއްދަތަށް ގދ. އަތޮޅު މަދަރުސާގައި ކުރިއަށް ދިޔަ މި ތަމްރީނު ޕްރޮގްރާމްގައި ދިވެހި މާއްދާ ކިޔަވައިދެއްވާ 27 މުދައްރިސުން ބައިވެރިވިއެވެ.
މީގެ އިތުރުން ގދ. އަތޮޅު މަދަރުސާގެ މުވައްޒަފުންނަށް ޚާއްޞަކޮށްގެން، ސަބްޖެކްޓް އިމްޕްރޫވްމަންޓާއި ސްކޫލް ހިންގުމުގެ ކަންކަން އިތުރަށް ހަރުދަނާ ކުރުމާ ގުޅޭ ތަމްރީނު ޕްރޮގްރާމެއް ކުރިއަށްގެންގޮސްފައި ވެއެވެ.
މިއީ އެ ސްކޫލުގެ މެނޭޖްމަންޓުގެ އެދިލެއްވުމަކަށް މިނިސްޓްރީ އޮފް އެޑިޔުކޭޝަނުން ކުރިއަށް ގެންދިޔަ ތަމްރީނެކެވެ.