އިޒްރޭލާއި ގާތް ގުޅުމެއް އޮންނަ އުރުދުންގެ ހާރިޖީ ވަޒީރު އިރާނުގައި!

އުރުދުންގެ ޚާރިޖީ ވަޒީރު އައިމަން ސަފާދީ ރަސްމީ ދަތުރުފުޅެއްގައި އިރާނަށް ވަޑައިގެންފި އެވެ.

މިއީ އުރުދުންގެ އިސް އޮފިޝަލަކު ފާއިތުވި 20 އަހަރުގެ ދުވަހުގެ ތެރޭގައި އިރާނަށް ކުރެއްވި ފުރަތަމަ ރަސްމީ ދަތުރުފުޅެވެ.

އައިމަން ސަފާދީގެ މިދަތުރުފުޅުގެ ތެރެއިން މިހާރު ވަނީ އީރާނުގެ ވަގުތީ ޚާރިޖީ ވަޒީރު އަލީ ބަގޭރީއާއި މިއަދު އިރާނުގެ ވެރިރަށް ތެހެރާނުގައި ބައްދަލުކުރައްވާފައި އެވެ.

އުރުދުންއަކީ ހުޅަނގާއި ގާތް ގުޅުމެއް އޮންނަ ގައުމެކެވެ. އެގޮތުން ވަކީން ހާއްސަކޮށް މިދިޔަ އޭޕްރީލް މަހު ސީރިއާއަށް އިސްރާއީލުން ދިން ހަމަލާއެއްގައި އީރާނުގެ ޖެނެރަލުން ޝަހީދުކޮށްލުމާ ގުޅިގެން އީރާނުން އިސްރާއީލާ ދިމާލަށް ފޮނުވާލި ގިނަ މިސައިލްތަކާއި ޑްރޯންތައް ހުއްޓުވުމަށް އުރުދުންގެ ރަސްގެފާނުގެ ޚާއްސަ އެންގުމަކަށް އުރުދުންގެ އަސްކަރިއްޔާއިން ވަނީ އިޒްރޭލަށް އެހީތެރިވެދީފައި އެވެ/

އުރުދުންގެ ޚާރިޖީ ވުޒާރާއިން ބުނީ ސަފާދީ "ސަރަޙައްދުގެ ޙާލަތާއި ދެޤައުމުގެ ގުޅުމާ ބެހޭގޮތުން އީރާނުގެ ރައީސް މަސްއޫދު ޕެޒެޝްކިއަންއަށް ރަސްގެފާނު ޢަބްދުالله ދެވަނަގެ މެސެޖެއް ރައްދު ކުރައްވާނެ" ކަމަށެވެ.

އިރުމަތީ ފަރާތުގައި އިސްރާއީލުގެ ބޯޑަރު އޮންނަ އުރުދުން، ހަމާސްގެ ސިޔާސީ ލީޑަރު އިސްމާއިލް ހަނިއްޔާ އަވަހާރަކޮށްލުމާ ގުޅިގެން އީރާނުން ބަދަލު ހިފުމަށް އިޒްރޭލަށް ދޭ ހަމަލާތަކާއި ދެކޮޅަށް އިޒްރޭލަށް އެހީތެރިވެދޭނެ ކަމަށް ބެލެވެ އެވެ.

މެދުއިރުމަތީގައި އެމެރިކާގެ އަސްކަރީ އޮޕަރޭޝަންތައް ބަލަހައްޓަމުން އަންނަ އަދި އިޒްރޭލާއި ސައުދީ އަރަބިއްޔާގެ އަސްކަރިއްޔާ ފަދަ އެހެން އަސްކަރިއްޔާތަކާ ގުޅިގެން މަސައްކަތް ކުރާ އެމެރިކާގެ ސެންޓްރަލް ކޮމާންޑުގެ ދަށުން އުރުދުން އިން އެމެރިކާގެ ސިފައިންނަށް އެއްބާރުލުން ދެ އެވެ.