ބަންގްލަދޭޝްގައި ދާދި ފަހުން ހިނގާދިޔަ ހަމަނުޖެހުންތަކާއި އެކު އެގައުމުގެ ސަރުކާރާއި ދެކޮޅަށް ތިނަދޫ ސިޓީގައި ކުރިޔަށް ގެންދިޔަ މުޒާހަރާ އިންތިޒާމުކޮށް ރޭވި ފަރާތްތައް ހައްޔަރުކޮށް ޑިޕޯޓުކުރަން ސަރުކާރުން ނިންމައިފި އެވެ.
ސަރުކާރުގެ ފަރާތުން މިކަން ހާމަކުރެއްވީ ހޯމްލޭންޑް މިނިސްޓަރ އަލީ އިހްސާން އެވެ. އެގޮތުން ރާއްޖޭގެ ނޫހެއް ކަމަށްވާ މިހާރު ނޫހަށް ދެއްވި އިންޓަވިއުއެއްގައި މިނިސްޓަރ ވިދާޅުވީ ބިދޭސީންނަށް ރާއްޖެ އައިސް ސިޔާސީ މަސައްކަތް ނުކުރެވޭނެ ކަމަށާއި އެއީ ވިސާ ވައިލޭޝަނެއް ކަމަށެވެ.
މިއާއި އެކު ތިނަދޫގައި ކުރި މުޒާހާރަގެ މައްސަލަ ބަލަމުން އަންނަ ކަމަށާއި އެކަން ރޭވި މީހުން ހައްޔަރުކޮށް ޑީޕޯޓުކުރުމަށް ނިންމައި އެމަސައްކަތް މިހާރު ފަށާފައިވާ ކަމަށް މިނިސްޓަރ ވިދާޅުވިއެވެ.
ތިނަދޫގައި ބަންގްލަދޭޝްގެ ސަރުކާރާއި ދެކޮޅަށް މުޒާހަރާ ކުރީ މިދިޔަ ހުކުރު ދުވަހު އެވެ. އެމުޒާހަރާގައި ތިނަދޫގައި މަސައްކަތްކުރާ ބަންގްލަދޭޝްގެ ގިނަ އަދަދެއްގެ ބައެއް ވަނީ ބައިވެރިވެފައި އެވެ.
ބަންގްލަދޭޝްގެ ސަރުކާރު ވަޒީފާތަކުގެ ކޯޓާތަކުގެ މައްސަލާގައި ހިނގާދިޔަ ހަމަނުޖެހުންތަކުގައި 170 އަށްވުރެ މީހުން ވަނީ މަރުވެފައި އެވެ.
ގުޅުންހުރި
18 ހާހަށްވުރެ ގިނަ ބިދޭސީންގެ ބަޔޯމެޓްރިކް ޑޭޓާ އެއްކޮށްފި
ގްރީންޒޯނުގައި މުޒާހަރާކުރި ބިދޭސީންނާއި މެދު ފިޔަވަޅު އަޅާނީ މައްސަލަ އެއްކޮށް ތަހުގީގުކޮށް ނިމުމުން - ޝަމްއާން
މުސާރަ ނުދޭތީ އިހްތިޖާޖަށް ނުކުތް 55 ބިދޭސީއަކު އިމިގްރޭޝަންގެ ބެލުމުގެ ދަށަށް!
މާލޭގައި ބިދޭސީން ހިންގަމުންދިޔަ މުޑުދާރު ބަދިގެއެއް ބަންދުކޮށް 15 ބިދޭސީއަކު އިމިގްރޭޝަންގެ ބެލުމުގެ ދަށަށް!
ފަހުގެ
