ގަވާއިދާ ހިލާފަށް ވިޔަފާރިކުރަމުންދިޔަ 8 ބިދޭސީއަކު ހައްޔަރުކޮށްފި

ރާއްޖޭގެ ގަވާއިދާ ހިލާފަށް ވިޔަފާރި ކުރަމުންދިޔަ ބިދޭސީންތަކެއް ހައްޔަރުކޮށްފި އެވެ.

އިމިގްރޭޝަންސް އިން ބުނީ, ފުލުހުންނާއި ގުޅިގެން އިއްޔެ ހަވީރު ހުޅުމާލޭ ފޭސް 1ގައި ހިންގި ''ޖޮއިންޓް ޓާސްކްފޯސް'' އޮޕަރޭޝަނެއްގައި ޤަވައިދާ ހިލާފަށް ޓޭކްއަވޭ ކޮފީ ޝޮޕް ހިންގި ބިދޭސީންތަކެއް އަތުލައިގެންފައިވާކަމަށެވެ.

ގަވާއިދާ ހިލާފަށް ރާއްޖޭގައި އުޅޭ ބިދޭސީން ހޯދަން އިމިގްރޭޝަންއާއި ފުލުުހުން ގުޅިގެން ކުރިއަށްގެންދާ މި އޮޕަރޭޝަންގައި ރޭ ވަނީ 8 ބިދޭސީއަކު ހައްޔަރުކޮށްފަ އެވެ.

ބިދޭސީން ރާއްޖޭގައި ވިޔަފާރި ކުރުން މަނާ ދާއިރާތައް ކަނޑައަޅައި މިދިޔަ ބުރާސްފަތި ދުވަހު އިއުލާންކޮށްފައިވާއިރު, އެ ލިސްޓުގައި 25 ދާއިރާއެއް ހިމެނެއެވެ. އޭގެ ތެރެއިން ބައެއް ދާއިރާތަކަކީ މިހާރު ވެސް ބިދޭސީން ހަރަކާތްތެރިވަމުން އަންނަ ދާއިރާތައް ކަން ފާހަގަކޮށްލެވެއެވެ.