މާލެ ސިޓީ ކައުންސިލްގެ ގޮނޑިތަކަށް ވާދަކުރަނީ އެމްޑީޕީއާއި ޕީއެންސީން!

ހުސްވެފައިވާ މާލެ ސިޓީ ކައުންސިލްގެ ތިން ގޮނޑިއަށް ވެސް ވާދަކުރަނީ އެމްޑީޕީ އާއި ޕީއެންސީން އެކަނި ކަމަށް އިލެކްޝަންސް ކޮމިޝަނުން ބުނެފި އެވެ.

އަންނަ މަހުގެ 20 ވަނަ ދުވަހު ބާއްވަނީ މައްޗަންގޮޅި މެދު ދާއިރާއާއި ހެންވޭރު ހުޅަނގު ދާއިރާ އަދި ހުޅުމާލެ ދާއިރާގެ ކައުންސިލް މެންބަރު އިންތިހާބު ކުރުމަށް ބާއްވާ ބައި އިލެކްޝަންސް ތަކެވެ.

މާލެ ސިޓީ ކައުންސިލްގެ މައްޗަންގޮޅި މެދު ދާއިރާ

1. ފާތިމަތު އިޝާން އަލީ، އައިނާއެޑަމްސް / މާލެ (ޕީއެންސީ)
2. ހައްވާ ޝިފާނާ، މއ. ރިހިރާޅު / މާލެ (އެމްޑީޕީ) އެވެ.

މާލެ ސިޓީ ކައުންސިލްގެ ހެންވޭރު ހުޅަނގު ދާއިރާ

1. ފާތިމަތު ޝައުފާ ސަލީމް، ހ. އިސްފަހާން (ޕީއެންސީ)
2. މުހައްމަދު އަލީ ޖިނާދު، ހ. ގްރީންޒެސްޓް (އެމްޑީޕީ) އެވެ.

މާލެ ސިޓީ ކައުންސިލްގެ ހުޅުމާލެ ދާއިރާ ދާއިރާ

1. އަލީ އައިމަން، ހ. ފުޖޭރާ (ޕީއެންސީ)
2. އަހްމަދު ރަޝީދު (ތުތީ)، ހުޅުމާލެ. މާވަހަރު 3 (އެމްޑީޕީ) އެވެ.

މާލެ ސިޓީ ކައުންސިލްގެ މި ގޮނޑިތައް ހުސްވެފައިވަނީ އެ ގޮނޑިތައް ތަމްސީލް ކުރެއްވި މެމްބަރުން 20ވަނަ ރައްޔިތުންގެ މަޖިލީހަށް އިންތިހާބުވުމާއި ގުޅިގެންނެވެ.