ހއ އިން ފެށިގެން ލ އަތޮޅާއި ހަމައަށް ހުދު ސަމާލު!

ގަދަ ވަޔާއިއެކު ވިއްސާރަކުރާނެ ކަމަށް ލަފާކޮށް މޫސުމާ ބެހޭ ގައުމީ އިދާރާއިން ރާއްޖޭގެ ބޮޑު ސަރަހައްދަށް ހުދު ސަމާލު ނެރެފި އެވެ.

މޫސުމާބެހޭ ގައުމީ އިދާރާއިން ހުދު ސަމާލު ނެރެފައިވަނީ ތިލަދުންމަތިން ފެށިގެން ހައްދުންމައްޗާއި ހަމައަށެވެ. މި ސަމާލު ނެރެފައިވަނީ, މިރޭގެ 00:30 ގެ ނިޔަލަށެވެ.

އެ އިދާރާއިން ބުނީ މި މުއްދަތުގައި މި ސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަޑުގައި 50 މޭލަށް ވައިގަދަވާނެ ކަމަށް ވަނީ ލަފާކޮށްފައި އެވެ.

ރާއްޖެއާށް މިހާރު ކުރަމުން އަންނަ ހުޅަނގު މޫސުމުގެ ވިއްސާރައެވެ. އެގޮތުން ހުޅަނގު މޫސުމުގެ ބާރު ވަރަށް ބޮޑަށް ގަދަވެފައިވާއިރު ރާއްޖޭގެ ހުރިހާ ސަރަހައްދަކަށް ދަނީ ބޯވާރެ އާއި ގަދަ ވަޔާއި އެކު ވިއްސާރަކުރަމުންނެވެ.