މުޅި ރާއްޖެއަށް ހުދު ސަމާލު, ކަނޑުތައް ގަދަވާނެ!

45 މޭލަށް ވައިގަދަވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާއިން ހުދު ސަމާލު ނެރެފި އެވެ.

މޫސުމާބެހޭ ގައުމީ އިދާރާއިން ހުދު ސަމާލު ނެރެފައިވަނީ މުޅި ރާއްޖެއަށެވެ. މި ސަމާލު ނެރެފައިވަނީ, މިރޭގެ 12 ޖެހުމާ ހަމައަށެވެ.

އެ އިދާރާއިން ބުނީ މި މުއްދަތުގައި މި ސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށް ލަފާކުރެވޭ ކަމަށްވެސް އެއިދާރާއިން ވަނީ ބުނެފައެވެ.

ރާއްޖޭގެ ދެކުނަށް ހުޅަނގު މޫސުން މިހާރު ފެށިފައިވާއިރު, މި މަސް ނިމުމުގެ ކުރިން މުޅި ރާއްޖެއަށް ހުޅަނގު މޫސުން ފެށޭނެ ކަމަށް މޫސުމާބެހޭ ގައުމީ އިދާރާއިން ވަނީ ބުނެފައެވެ.