މާލީ އެހީތެރިކަމަށް ފަލަސްތީނު ސަރުކާރުން އަރަބި ގައުމުތަކަށް ގޮވާލައިފި

މާލީ އެހީތެރިކަމަށް ފަލަސްތީނު އޮތޯރިޓީއިން އަރަބި ގައުމުތަކަށް ގޮވާލައިފި އެވެ.

މިފަދައިން ފަލަސްތީނު އޮތޯރިޓީގެ ފަރާތުން ގޮވާލެއްވީ ފަލަސްތީނުގެ ރައީސް މަހްމޫދް އައްބާސްއެވެ. އައްބާސް މިއަދު ވަނީ އަރަބި ލީގު ސަމިޓުގައި އަރަބި ގައުމުތަކުގެ ވެރިކަންނާއި މުހާތަބުކޮށް ތަގުރީރުކުރައްވާފައި އެވެ.

ބައިނަލްއަގްވާމީ އަދި ސަރަހައްދީ ބައިވެރިންގެ ފަރާތުން ފަލަސްތީނު ސަރުކާރަށް އުއްމީދުކުރި ފަދަ މާލީ އެހީތެރިކަމެއް ލިބިފައި ނުވާ ކަމަށް މަހްމޫދުގެ ތަހުގީގައި ވިދާޅުވިއެވެ.

އައްބާސް ވިދާޅުވީ އަރަބި ސޭފްޓީ ނެޓް އެކްޓިވޭޓްކޮށް، ރައްޔިތުންގެ ރެޒިލިއަންސް އިތުރުކޮށް، ސަރުކާރުގެ މަސްއޫލިއްޔަތު އަދާކުރުމުގެ މަގު ފަހިކޮށްދިނުމަކީ މިހާރު ވަރަށް މުހިންމު ކަމެއް ކަމަށެވެ. އެހެންކަމުން ފަލަސްތީނުގެ ރައްޔިތުންނަށްޓަކައި ސަރުކާރަށް މާލީ އެހީ ފޯރުކޮށްދެއްވުމަށް މަހުމޫދު ގޮވާލެއްވި އެވެ.

ޔަހޫދީން މިދިޔަ އަހަރުގެ އޮކްޓޯބަރު މަހުން ފެށިގެން ހުއްޓުމެއް ނެތި ޣައްޒާއަށް ދެމުން އަންނަ ހަމަލާތަކުގައި މުޅި ޣައްޒާ އޮތީ އުމްރާނީ ގޮތުންވެސް އެއްކޮށް ސުންނާފަތު ވެފައި އެވެ.