މާލޭގެ ސްކޫލުތަކަށް ކުދިން ވައްދަން ހުޅުވާލި މުއްދަތު އިތުރުކޮށްފި
# ސްކޫލު ކިޔެވުން# ތައުލީމީ ދާއިރާ
ސްކޫލު ދަރިވަރުންތަކެއް --- ފޮޓޯ/ އަވަސް- އަޙްމަދު ޝުރާއު
މާލޭގެ ސްކޫލުތަކަށް ކުދިން ވައްދަން ހުޅުވާލި މުއްދަތު އިތުރުކޮށްފިއެވެ.
ތަޢުލީމީ ވުޒާރާއިން މިއަދު ނެރުނު އިޢުލާނެއްގައި ބުނީ، މާލޭގެ ސްކޫލުތަކަށް އަލަށް ދަރިވަރުން ވެއްދުމާއި، އެއް ސްކޫލުން އަނެއް ސްކޫލަށް ބަދަލުކުރުމަށް ފޯމު ހުށަހެޅުމުގެ ފުރުސަތު މާދަމާއިން ފެށިގެން 16 މެއިގެ ދޭއް ޖެހުމާ ހަމައަށް ހުޅުވާލަން ނިންމާފައިވާ ކަމަށެވެ.
އެގޮތުން އެ ފުރުސަތު ހުޅުވާލަން ނިންމައިފައިވަނީ:
- ސަރުކާރުގެ ސްކޫލެއްގެ ފައުންޑޭޝަން ސްޓޭޖުގެ ކުލާހަކަށް ވައްދަން ބޭނުންވާ ދަރިވަރުންނަށް
- ގްރޭޑް އެކަކަށް އަލަށް ވައްދަން ބޭނުންވާ ދަރިވަރުންނަށް
- ޕްރައިވެޓް ސްކޫލަކުން ސަރުކާރުގެ ސްކޫލަކަށް ބަދަލުވާން ބޭނުންވާ ދަރިވަރުންނަށް
- ރާއްޖެއިން ބޭރުގެ ޤައުމެއްގައި އުޅެފައި ރާއްޖެއަށް ބަދަލުވެ، ސަރުކާރު ސްކޫލަކަށް ވަންނަން ބޭނުންވާ ދަރިވަރރުންނަށް
އެ ވުޒާރާއިން އިތުރަށް ބުނި ގޮތުގައި، އެ މުއްދަތުގައި ސްކޫލު އެޑްމިޝަން ބަލައިގަންނާނީ ހަމައެކަނި މަތީގައި ބަޔާންކޮށްފައިވާ ފަރާތްތަކުގެ ފޯމުތަކެއް ކަމަށެވެ.
-1727586564395.webp&w=3840&q=75)
ފަހުގެ
