ރާއްޖޭގެ ބޮޑު ސަރަހައްދަކަށް ހުދު ސަމާލު ދަންމާލައިފި

ރާއްޖެއަށް މިހާރު ކުރަމުން އަންނަ ވިއްސާރާއާއި ގުޅިގެން ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެެފި އެވެ.

މޫސުމާއި ބެހޭ ގައުމީ އިދާރާއިން ހުދު ސަމާލު ނެރެފައިވަނީ ހއ އަތޮޅުން ފެށީގެން ގދ އަތޮޅާއި ހަމައަށެވެ. އެގޮތުން މި ސަރަހައްދަށް ސަމާލު ނެރެފައިވަނީ މިރޭގެ 18:00 އިން ފެށިގެން ދަންވަރު 00:00 އާ ހަމައަށެވެ.

މޫސުމާ ބެހޭ ގައުމީ އިދާރާއިން ބުނީ މި މުއްދަތުގައި އެ ސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ.

ރާއްޖޭގެ ދެކުނުގެ ސަރަހައްދުތަކަށް ހުޅަނގު މޫސުން މިހާރު ފެށިފައިވާއިރު މި މަސް ނިމޭ އިރު މުޅި ރާއްޖެއަށް ހުޅަނގު މޫސުން ފެށިގެން ދާނެ ކަމަށް މޫސުމާބެހޭ ގައުމީ އިދާރާއިން ވަނީ ބުނެފައެވެ.