ރާއްޖޭގެ އިތުރު އަތޮޅުތަކަކަށްވެސް ހުދު ސަމާލު!

މޫސުމާ ބެހޭ ގައުމީ އިދާރާއިން ރާއްޖޭގެ އިތުރު އަތޮޅުތަކަށް ހުދު ސަމާލު ނެރެފި އެވެ.

މޫސުމާބެހޭ ގައުމީ އިދާރާއިން ހުދު ސަމާލު ނެރެފައިވަނީ ވ އަތޮޅުން ފެށިގެން އައްޑޫ ސިޓީއާއި ހަމައަށެވެ. މި ސަރަހައްދަށް ސަމާލު ނެރެފައިވަނީ މިއަދު މެންދުރު 15:00 އިން ފެށިގެން މިރޭގެ 20:00 އާ ހަމައަށެވެ.

މޫސުމާ ބެހޭ ގައުމީ އިދާރާއިން ބުނީ މި މުއްދަތުގައި އެ ސަރަހައްދަށް ބޯކޮށް ވާރޭވެހުމާއެކު ގުގުރާނެ ކަމަށް ލަފާކުރެވޭ ކަމަށެވެ.

މޫސުމާއި ބެހޭ ގައުމީ އިދާރާއިން މީގެ ކުރިން ވަނީ މ އަތޮޅުން ފެށިގެން އައްޑޫ ސިޓީއާއި ހަމައަށްވެސް ހުދު ސަމާލު ނެރެފައި އެވެ. އެގޮތުން އެސަރަހައްދުތަކަށް ހުދު ސަމާލު ނެރެފައިވަނީ އިރުއޮއްސި 18:00 އާއި ހަމައަށެވެ.

ރާއްޖޭގެ ދެކުނުގެ ސަރަހައްދުތަކަށް ހުޅަނގު މޫސުން މިހާރު ފެށިފައިވާއިރު މި މަސް ނިމޭ އިރު މުޅި ރާއްޖެއަށް ހުޅަނގު މޫސުން ފެށިގެން ދާނެ ކަމަށް މޫސުމާބެހޭ ގައުމީ އިދާރާއިން ވަނީ ބުނެފައެވެ.