އޭސީސީގެ ސަރވިސް ޗާޓަރ އިފްތިތާޙުކޮށްފި

ކޮމިޝަނުން ފޯރުކޮށްދޭ ޚިދުމަތްތަކަކީ ޚިދުމަތް ލިބިގަންނަ ފަރާތްތަކުން ބޭނުންވާ ފެންވަރުގައި ފޯރުކޮށްދެވޭ، ހިތްހަމަޖެހޭ ޚިދުމަތްތަކެއް ދެވޭ މުއައްސަސާއަކަށް ހެދުމުގެ މަޤުޞަދުގައި އެންޓި-ކޮރަޕްޝަންގެ ކޮމިޝަނުގެ ސަރވިސް ޗާޓަރ މިއަދު އިފްތިތާޙް ކޮށްފިއެވެ.

ކޮމިޝަނުން ދޭ ޚިދުމަތްތައް، އެ ޚިދުމަތްތައް ހޯދޭނެ ގޮތްތަކާއި، ޚިދުމަތް ފޯރުކޮށްދިނުމަށް ކަނޑައެޅިފައިވާ ވަގުތުތައް އެއްތާކުން ފެންނާނެ ގޮތަށް އެކުލަވާލެވިފައިވާ ސަރވިސް ޗާޓަރ ކޮމިޝަނުގެ ވެބްސައިޓުގައި މިހާރު ޝާއިއުކޮށްފައިވާނެ ކަމަށް އެ އިދަަރާއިން ވަނީ ބުނެފައެވެ.

ކޮމިޝަނުން ޢާއްމު ރައްޔިތުންނަށް ފޯރުކޮށްދޭ ޚިދުމަތްތަކަކީ އެކަށީގެންވާ އަވަސްމިނުގައި ރަނގަޅު ފެންވަރެއްގައި ފޯރުކޮށްދެވޭ ޚިދުމަތްތަކަށް ހެދުމަކީ އެކޮމިޝަނުގެ އަމާޒެއް ކަމަށް ބުނެފައިވެއެވެ. އަދި ކޮމިޝަނުގެ ޤާނޫނީ ޒިންމާ އަދާކުރުމަށް ކުރަމުންދާ މަސައްކަތްތަކާއި ޚިދުމަތްތައް ވީހާވެސް ފަސޭހައި ރައްޔިތުންނަށް ލިބޭނެ ގޮތް އިންތިޒާމް ކުރުމުވެ.

އޭސީސީގެ ހިދުމަތުގެ ފެންވަރު ރަނގަޅުކުރުމަށްޓަކައި އެކޮމިޝަނުން ވަނީ އެ ކޮމިޝަނުން ކުރިޔަށްގެންދާ ތަޙުޤީޤުތަކާ ގުޅުންހުރި ބަޔާންތަކާއި، ކޮމިޝަނުން ބާއްވާ ބައްދަލުވުންތަކުގެ ޔައުމިއްޔާތައް އަމިއްލައަށް ލިޔާ އެޕްލިކޭޝަނެއް ވެސް އިފްތިތާހުކޮށްފައެވެ.