ގައުމީ ގުރުއާން މުބާރާތް ފަސްކޮށްފި

މި އަހަރު ބާއްވަން ހަމަޖެހިފައި އޮތް 36 ވަނަ ގައުމީ ޤުރުއާން މުބާރާތް އަނެއްކާ ވެސް ފަސްކޮށްފި އެވެ.

ފުރަތަމަ މި އަހަރުގެ ފެބްރުއަރީ މަހު ބާއްވަން ތާވަލުކުރި މުބާރާތް އެކިކަންކަމާއި ގުޅިގެން އަންނަ މަހު 27 ވަނަ ދުވަހަށް ވަނީ ފަސްކޮށްފައެވެ. ނަމަވެސް ކީރިތި ގުރުއާނާ ބެހޭ މަރުކަޒުން ބުނީ މި މުބާރާތް އެތާރީހުގައިވެސް ނުބާއްވަން ނިންމާފައިވާ ކަމަށެވެ.

މުބާރާތް ފަސްކުރިކަން އިއުލާންކޮށް ޤުރުއާނާ ބެހޭ މަރުކަޒުން ބުނީ މުބާރާތް ފަށަން މިހާރު ތާވަލުކޮށްފައި އޮތް އާ ތާރީހަކީ ޖޫން 29 ކަމަށެވެ. މި ފަހަރު މުބާރާތް ލަސްކުރީ އޯ ލެވެލް އިމްތިހާން މި ދުވަސްވަރު ކުރިއަށްދާތީ އެވެ. މި މަހުގެ 25 ގައި ފެށި އެ އިމްތިހާހު ޖޫން 13 އާ ހަމައަށް ކުރިއަށް ދާނެ އެވެ.

ގައުމީ ޤުރުއާން މުބާރާތަކީ 1981 އިން ފެށިގެން އިސްލާމިކް މިނިސްޓްރީން ދީނީ ގޮތުން ބާއްވަމުން އަންނަ އެންމެ ބޮޑު ހަރަކާތެވެ.