ކުޅުދުއްފުށި ސިޓީ އިން ކަރަންޓު ކެނޑިއްޖެ

ކުޅުދުއްފުށި ސިޓީ އިން ކަރަންޓު ކެނޑިއްޖެ އެވެ.

ކުޅުދުއްފުށި ސިޓީގައި ކަރަންޓުގެ ހިދުމަތް ފޯރުކޮށްދެމުން އަންނަ ފެނެކަ ކޯޕަރޭޝަނުން ބުނީ, .ކުޅުދުއްފުށި ޓްރާންސްފޯމަރަކަށް ދިމާވި މައްސަލައަކާއި ގުޅިގެން ތިން ޖަނަރޭޓަރެއްގެ ކޮންޓްރޯލް މޮޑިއުލް އަނދައި 9:15 ގައި މުޅި ރަށުން ކަރަންޓު ކެނޑިފައިވާ ކަމަށެވެ.

ޖަނަރޭޓަރުތަކަށް ދިމާވި މައްސަލަ ހައްލުކޮށް އަލުން ކަރަންޓު ދެވޭވަރުވާނީ މިއަދު އިރުއޮއްސި 6:00 ގައި ކަމަށް އެ ކުންފުނިން ވަނީ ބުނެފައެވެ.

އެ ކުންފުނިން ވަނީ މިކަމާ ގުޅިގެން ދިމާވާ ދަތިތަކަށް ރައްޔިތުންގެ ކިބައިން މައާފަށް އެދިފައެވެ.