އަހަރުގެ ފުރަތަމަ 3 މަސްތެރޭ ކަސްޓަމްސްއިން 13 ކިލޯގެ މަސްތުވާތަކެތި އަތުލައިގަނެފި
އަހުމަދު ޝުރާއު
4/9/2024, 9:50:42 AM
މަސްތުވާތަކެތި
2024 ވަނަ އަހަރުގެ މިހާތަނަށް ރާއްޖެއަށް އެތެރެކުރަން މަސައްކަތްކުރި 13 ކިލޯގެ މަސްތުވާތަކެތު އަތުލައިގެނެފައިވާކަމަށް މޯލްޑިވްސް ކަސްޓަމްސްއިން ބުނެފި އެވެ.
ކަސްޓަމްސްއިން މިއަދު ބުނީ 1 ޖަނަވަރީ 2024 އިން 31 މާރިޗް 2024 ގެ ނިޔަލަށް، ރާއްޖެއަށް އެތެރެކުރަން އުޅެނިކޮށް 13.92 ކިލޯގެ ޑްރަގްސް ހިފަހައްޓާފައިވާކަމަށެވެ.
އަތުލައިގަތް މަސްތުވާތަކެތީގެ ތެރޭގައި 5.3 ކިލޯގެ ހެރޮއިން، 1.1 ކިލޯގެ އެމްޑީއެމްއޭ އަދި 570 ގްރާމުގެ މެތް ހިމެނެއެވެ.
އޭޕްރިލް މަސް ފެށުނު ފަހުން ކަސްޓަމްސްއާއި ފުލުހުންނާއި ގުޅިގެން ހިންގި ބޮޑު އޮޕަރޭޝަންތަކެއްގައިވެސް ވަނީ ގިނަ އަދަދެއްގެ މަސްތުވާތަކެތި އަތުލައިގެންފައި އެވެ.