ރާއްޖޭގައި ހިންގި މަސްތުވާތަކެތި އަތުލައިގަތުމުގެ ބޮޑު އޮޕަރޭޝަނެއްގައި 16.69 ކިލޯގެ މަސްތުވާތަކެތި އަތުލައިގެންފައިވާ ކަމަށް ދާހިލީ ވަޒީރު އިހްސާން ދާދި ދެންމެ އަކު ވިދާޅުވެއްޖެ އެވެ.
ވަޒީރު ދާދި ދެންމެ އަކު އެކްސްގައި ކުރި ޕޯސްޓެއްގައި ވިދާޅުވީ ފާއިތުވި 72 ގަޑިއިރުގެ ތެރޭގައި މަސްތުވާތަކެއްޗާ ދެކޮޅަށް ފުލުހުންނާއި ކަސްޓަމްސް ގުޅިގެން ހިންގި އޮޕަރޭޝަންތަކުގައި 16.69 ކިލޯގެ މަސްތުވާތަކެތި އަތުލައިގެންފައިވާ ކަމަށެވެ. އެގޮތުން އަތުލައިގަތް މަސްތުވާތަކެތީގެ މަގުމަތީ އަގު ހުރީ 21.6 މިލިއަން ރުފިޔާގައި ކަމަށްވެސް ވަޒީރު ވިދާޅުވިއެވެ.
ވަޒީރު ވިދާޅުވީ ރައީސް މުއިއްޒުގެ އިސްނެންގެވުމުގެ ދަށުން މަސްތުވާތަކެތީގެ ވަބާއިން ސަލާމަތްވެފައިވާ ދިވެހިރާއްޖެއެއް ހޯދުމަކީ އަމާޒެއް ކަމަށެވެ.
މި އޮޕަރޭޝަނާއި ގުޅޭ އިތުރު ތަފްސީލެއް ވަޒީރު ދެއްވާފައިވާ ނުވާއިރު ރާއްޖެއަށް ވައިގެ މަގުންނާއި ކުރިއަ މެދުވެރިކޮށް މަސްތުވާތަކެތި އެތެރެކުރަން މަަސައްކަތްކުރި ފަރާތްތަކެއް އަތުލައިގެންފައިވާކަން ކަސްޓަމްސްއިން ވަނީ ވޭތުވެދިޔަ 2 ދެދުވަހު ހާމަކޮށްފައި އެވެ. މީގެ އިތުރުން ފުލުހުން ވަނީ މާލޭގައި ޚާއްސަ އޮޕަރޭޝަނެއްވެސް ކުރިޔަށް ގެންގޮސްފައި އެވެ.
ގުޅުންހުރި
ނައިފަރުގައި ހިންގި މަސްތުވާތަކެތީގެ އޮޕަރޭޝަނެއްގައި މީހަކު ހައްޔަރުކޮށްފި
މަސްތުވާތަކެތީގެ މައްސަލައެއްގައި ނިލަންދޫއިން މީހަކު ހައްޔަރުކޮށްފި
އަހަރުގެ ފުރަތަމަ 3 މަސްތެރޭ ކަސްޓަމްސްއިން 13 ކިލޯގެ މަސްތުވާތަކެތި އަތުލައިގަނެފި
ދިރުވާލައިގެން ރާއްޖެއަށް މަސްތުވާތަކެތި އެތެރެކުރި މީހެއްގެ ބަންދަށް 15 ދުވަސް
ފަހުގެ
